बल्छि धुर्बे बने गायक, सपनासँगको स्वरमा नयाँ तीजको गीत सार्वजनिक

Posted on: July 25, 2021
आर्टिष्ट खबर, साउन, काठमाडौं । 

लोकप्रिय टेलिश्रृंखला ‘जुठे’ र ‘हल्का रमाइलो’का कलाकार तथा निर्देशक मरिचमान श्रेष्ठ (बल्छि धुर्बे) र सपना पौडेलको स्वरमा नयाँ तीजको गीत सार्वजनिक गरिएको छ । अभिनयबाट दर्शकको मन जित्नुभएका मरिचमान अब गायक पनि बन्नुभएको छ । उहाँले यसअघि कुनै गीत औपचारिक रुपमा यसरी गाएर भिडियो सार्वजनिक गर्नुभएको थिएन ।    

‘पारिवन हरियो’बोलको तीज गीतको भिडियो मा पनि मरिचमानसँगै हल्का रमाइलोका अधिकांश कलाकारको अभिनय रहेको छ । भिडियोमा मरिचमान र सपनासँगै ‘जुठे’ र ‘हल्का रमाइलो’का अर्का कलाकार तथा निर्देशक राजु पौडेल, अनिता बस्नेत, दीपेन्द्र तिमल्सिना र सबिना आचार्यको अभिनय रहेको छ । गीतकी गायिका सपना राजु पौडेलको श्रीमती हुनुहुन्छ । सपनाले यसअघि पनि केहि गीत गाइसक्नुभएको छ । 

सपनाकै लय शब्द र संगीत रहेको गीतलाई सुदिप सागरले एरेन्ज गर्नुभएको छ । गीतको भिडियो युट्युवमा अपलोड गरिएको एक घण्टाको अवधिमै ५० हजार भन्दा बढी पटक हेरिएको छ ।  भिडियो राजुमास्टर युट्युव च्यानलमा अपलोड छ । 

Video: 





Artist Khabar Media Pvt. Ltd.
Gongabu, Kathmandu
Editor:Gopi Krishna Chapagain
सूचना विभाग दर्ता नंः २६७४/०७७-०७८
Contact: +9779851279301
Email: [email protected]