कृशलको ‘यि आँखाका नानी’ गीत

Posted on: September 11, 2021
आर्टिष्ट खबर/ भदौ, काठमाडौं । 

गायक कृशल कंडेलको ‘ओडेर घुँघट’ सफलतापछि ‘ओडेर घुँघट’ को बाँकी कथा भनिएको ‘यि आँखाका नानी’ बोलको गीतको भिडियो सार्वजनिक भएको छ। सार्वजनिक गीतमा गायक कृशल कंडेलसंगै मेलिना मैनालीको स्वर सुन्न सकिन्छ।

गीतको भिडियोमा कृशल कंडेलसंगै मेलिना मैनालीकै अभिनय रहेको छ। ओडेर घुँघट मा कृशल र सेड्रिना शर्माको जोडि थियो भने बाँकी कथामा मेलिनाको प्रवेश भएको छ। सेड्रिनाको अध्ययनका कारण दोस्रो भागमा हुन नसकिएको भन्दै निर्देशक दीपक आचार्यले गायिका मेलिनाले पनि अभिनयमा सम्भावना बोकेको हुँदा कृशल र मेलिनाको जोडिलाई भिडियोमा राखिएको बताएका छन्।

सार्वजनिक गीत ‘द प्रिमियर प्रोडक्सन’ नामक युटुब च्यानलमा सार्वजनिक भएको हो। दीपक आचार्य ‘काकु’ ले लेखेको गीतलाई अर्जुन पोख्रेलले संगीत भरेका छन्। गीत सार्वजनिक भएसंगै आडियो र भिडियोबारे दर्शकले सकारात्मक प्रतिक्रियाहरु दिएका छन्।

बुद्ध थापाको सिनेमाटोग्राफी रहेको भिडियोलाई चन्द्रन दत्तले सम्पादन गरेका हुन्। भिडियोलाई सुश्मा गुरागाँईले निर्माण गरेकी हुन्।




Artist Khabar Media Pvt. Ltd.
Gongabu, Kathmandu
Editor:Gopi Krishna Chapagain
सूचना विभाग दर्ता नंः २६७४/०७७-०७८
Contact: +9779851279301
Email: [email protected]