शिशिर योगीको नयाँ गीत 'यो कस्तो जमाना'लाई सकारात्मक प्रतिक्रिया (भिडियो)

Posted on: December 02, 2021
आर्टिष्ट खबर/ मंसिर, काठमाडौं ।

लोकप्रिय गायक शिशिर योगीको नयाँ गीत 'यो कस्तो जमाना' सार्वजनिक गरिएको छ । चारदिन अघि सार्वजनिक यस गीत शिशिरकै युट्युवमार्फत सार्वजनिक गरिएको हो । भिडियोका लागी आएका प्रतिक्रियाबाट शिशिर खुसी छन् । सकारात्मक प्रतिक्रियाले आफूलाई खुसी बनाएको शिशिरले बताएका छन् । 

गीतमा पछिल्लो समय नेपालको अवस्था र प्रवृतिलाई उठाइएको छ । देशको निति नियमसँगै हरेक ठाउँमा लापरबाही भइरहेको गीतले बताउँछ । गीतमा पुरुषोत्तम अधिकारीको शब्द छन् भने शिशिरकै संगीत छ । गीतको भिडियोमा पनि शिशिरलाई नै देख्न सकिन्छ । भिडियोको बिरेन्द्र भाट (विपिन)ले निर्देशन तथा सम्पादन गरेका हुन् ।

युट्युवमा भिडियो हेरिसक्नेपछि रामहरी नाम गरेका एक दर्शकले लेख्छन्, 'शुरुमा रमाइलो छ भने तर सुन्दै जाँदा त निक्कै मार्मिक र अर्थपुर्ण रहेछ बधाई छ यस्ता समाजमा घटिरहने तथ्य घटनाहरु चित्रण गरि गीत मार्फत समाज परिबर्तन गर्न योगदान पुर्याउनुहुने तपाईं गायक शिशिर सर र शब्द रचना तथा संगीतकार र समस्त समूह प्रति नमन छ जयहोस ।' यस्तै अर्का दर्शक दीपक पुडासैनी लेख्छन्, 'सामाजिक घटना लाई समेटेर बनाउनुभएको हजुरको सुन्दर म्युजिक भिडियोलाई मनैदेखि सम्मान्का साथ सफलताको लागि कामना गर्दछु ।'




Artist Khabar Media Pvt. Ltd.
Gongabu, Kathmandu
Editor:Gopi Krishna Chapagain
सूचना विभाग दर्ता नंः २६७४/०७७-०७८
Contact: +9779851279301
Email: [email protected]