चक्र बम र अनिता चलाउनेको देउडा गीत सार्वजनिक

Posted on: July 01, 2022
आर्टिष्ट खबर/ असोज, काठमाडौं ।  

सुदुरपश्चिमेली लवजको देउडा भाकामा नयाँ गीत सार्वजनिक गरिएको छ । गायक चक्र बम र गायिका अनिता चलाउनेको स्वरमा देउडा भाकामा गाएको गीत ‘खेल मेरी दर्कादरी’ सार्वजनिक गरिएको हो । 

गीतमा चक्र बमकै रचना र संगीत रहेको छ । भोकलमा चक्र र अनितालाई केही कोरस गायक–गायिकाले सहयोग गरेका छन् । डोटेली भाषा नबुझ्ने पनि गीतको कर्णप्रिय संगीत र मिठासपूर्ण स्वरबाट मोहित बन्न सक्छन् ।    

गीतको भिडियोमा पनि गायक र गायिका स्वयमलाई देख्न सकिन्छ । भिडियोको निर्देशन शिव बिकेले गरेका छन् । चक्र बमको आफ्नै युट्यूव च्यानलबाट अपलोड गरिएको यो गीतको भिडियो यो समाचार तयार पार्दासम्म २२ नम्बर नेपालको म्युजीक युट्युव ट्रेन्डिङमा रहेको छ भने १ लाख २० हजार भन्दा बढी पटक हेरिएको छ। 

 




Artist Khabar Media Pvt. Ltd.
Gongabu, Kathmandu
Editor:Gopi Krishna Chapagain
सूचना विभाग दर्ता नंः २६७४/०७७-०७८
Contact: +9779851279301
Email: [email protected]