सुशिला पाठकको ‘पापाकी परि’मा करिश्माको सातो गएपछि...

Posted on: August 02, 2022
आर्टिष्ट खबर/ साउन, काठमाडौं । 

लोकप्रिय गायिका सुशिला पाठकको स्वरमा नयाँ गीत ‘पापाकी परि’ सार्वजनिक गरिएको छ । तीजको अवसरमा सार्वजनिक गीतमा शिव हमालको शब्द रहेको छ भने आशिष अबिरलको संगीत रहेको छ । म्युजीक एरेन्जको काम पनि आशिषले नै गरेका हुन् । 

गीतको भिडियोमा भने लोकप्रिय मोडल करिश्मा ढकालले अभिनय गरेकी छिन् । नवराज उप्रेतीको छायांकन रहेको भिडियोमा प्रविन भट्टको सम्पादन रहेको छ । भिडियो निर्देशन मौसम हिमालीले गरेका हुन् । भिडियोको पोष्ट प्रोडक्सन बिपि फिल्मस्ले गरेको हो ।

गीतको भिडियोमा हुर्कदै गरेकी अभिवाहित युवती र बिहेका लागी केटा माग्न आएका केटाको कथालाई देखाइएको छ । मोडल करिश्माले आफूलाई माग्न आएका केटाको कुरा आफ्ना साथीसंङ्गीलाई सुनाउँदै सातो गएको कुरा गरेकी छिन् ।

गायिका सुशिलाले ‘पापाकी परि’का लागी दर्शकको मायाको अपेक्षा गरिन् । सुशिलाले भनिन्, ‘यसअघि पनि दर्शक तथा स्रोताले माया गरिदिनुभएको छ । आशा छ, यो गीतलाई पनि सबैले माया गर्नुहुनेछ ।’ 

यस्तै संगीतकार आशिषले पछिल्लो समय बजारमा आइरहेका गीतहरुको भिडमा आफूले केहि फरक दिने प्रयास गरेको बताए ।





Artist Khabar Media Pvt. Ltd.
Gongabu, Kathmandu
Editor:Gopi Krishna Chapagain
सूचना विभाग दर्ता नंः २६७४/०७७-०७८
Contact: +9779851279301
Email: [email protected]