१३ माघ २०७६, सोमबार १४:४२ 
<pre style="text-align: justify; "><b>आर्टिष्ट खबर/ माघ, काठमाडौं ।</b></pre><p style="text-align: justify; "> सुबिहानी फिल्मस्को ब्यानरमा निर्माण गरिएको नेपाली चलचित्र ‘सेन्टी भाइरस’को पोष्टर काठमाडौंमा गुड्ने ११ हजार ट्याक्सीमा टाँसिने भएको छ । सोमबार उपत्यका ट्याक्सी ब्यवसायी तथा चालक सेवा समाजले एक कार्यक्रमको आयोजना गर्दै काठमाडौंका ११ हजार ट्याक्सीमा पोष्टर टाँसेर चलचित्रको प्रमोशनमा सहयोग गर्ने जानकारी दिइयो । </p><p style="text-align: justify; "><img src="http://artistkhabar.com/uploads/posts/a7fd50cda4d3ba86bb5d96f2422ce78f1580136080.jpg" style="width: 720px;"><br></p><p style="text-align: justify; ">आउँदो फागुन ९ गतेबाट प्रदर्शनमा आउने तयारीमा रहेको चलचित्र ‘सेन्टी भाइरस’को प्रमोशनका लागी चलचित्रको टिमले नभई ट्याक्सी चालकहरु आँफै यो अभियानमा जुटेको कलाकार तथा सामाजिक अभियान्ता सिताराम कट्टेल (धुर्मुस)ले जानकारी दिए । चलचित्रको आम्दानीको पचास प्रतिशत चितवनमा बन्दै गरेको गौतम बुद्ध अन्र्तराष्ट्रिय क्रिकेट रंगशालाका लागी सहयोग गरिने बताइएको छ । धुर्मुसले बताए अनुसार चलचित्रका निर्माता डिन्डु लामा ह्योल्मोले सुरुमा चलचित्रको ब्यापारबाट भएको २० प्रतिशत आम्दानी मात्र रंगशालालाई सहयोग गर्ने कुरा थियो । तर अहिले ५० प्रतिशित नै सहयोग गर्ने प्रतिबद्धता जाहेर गरेका छन् । </p><p style="text-align: justify; ">जनस्तरबाट निर्माण हुन लागेको क्रिकेट रंगशालालाई चलचित्रको आधा आम्दानी जान्छ भने किन सहयोग नगर्ने भनेर ट्याक्सी चालकहरु एकजुट भएको कार्यक्रममा बताइयो । कार्यक्रममा केहि ट्याक्सीमा प्रत्यक्ष स्टिकर टाँसिएको थियो भने बाँकी अन्य ट्याक्सीमा केहि दिनमै टाँसिने जानकारी दिइयो ।</p><p style="text-align: justify; "><img src="http://artistkhabar.com/uploads/posts/4d7d6700de1f332438d51f519fcedddc1580136097.jpg" style="width: 720px;"><br></p><p style="text-align: justify; ">रामबाबु गुरुङको निर्देशनमा तयार भएको यो चलचित्रमा धुर्मुससँगै कुन्जना घिमिरे (सुन्तली), बुद्धि तामाङ, दयाहाङ राई, विल्सन बिक्रम राई लगायतको अभिनय रहेको छ । चलचित्रका लेखक कुमार कट्टेल र दीपक आचार्य हुन् । </p><p style="text-align: justify; "><b>Watch Video Report : <a href="https://www.youtube.com/watch?v=2W9gbW19ktU" target="_blank"><font color="#0000ff">Click Here</font></a></b></p><p style="text-align: justify; "><br></p><p style="text-align: justify; "><br></p>
