गायक पशुपति शर्मा भन्नुहुन्छः कठै मेरो देश

९ पुष २०७७, बिहीबार ०७:०९

<pre style="text-align: justify; ">आर्टिष्ट खबर/ पुस, काठमाडौं । </pre>कस्ता कस्ता विपदमा नी देखियो भो चाल, अझै पनि लाईदिनलाई पर्छ र फुलमालावरिपरी छिमेकीले केके गरे केके,हाम्रा देशका मुलीले त बिचमै घुँडा टेके गए धेरै साल, केहि होलाकी भन्दा भन्दै गए धेरै सालहा..हा..हा..हा..(हाँस्दै) मेरो देशको हाल ।। अर्थतन्त्र धरासाही छ कोरोनाका कारण, यस्ता बेला यस्तो निर्णय क्याहो शिव नारन । अब फेरी चुनाव गर्दा खर्च लाउँछ कत्ति, कता बाट आउँछ कुन्नी यस्तो खालको मति ।। गए धेरै साल, केहि होलाकी भन्दा भन्दै गए धेरै सालहुँ.. हुँ.. हुँ.. (रुँदै) मेरो देशको हाल । यहाँ समावेश शब्द लोकप्रिय गायक पशुपति शर्माको नयाँ गीत ‘कठै मेरो देश’को दुई अन्तरा हो । पछिल्लो समय नेपाली राजनिति बृत्तमा देखिएको किचलोलाई सम्झदै र देशको अवस्थालाई बुझ्दै गायक शर्माले नयाँ गीत सार्वजनिक गर्नुभएको हो । गीतमा स्वरसँगै लय र शब्द पनि शर्माकै रहेको छ । गीतलाई एरेन्ज गर्ने काम भने सुनिल परियारले गर्नुभएको हो । गीतको भिडियोमा गायक शर्मासँगै अन्य केहिले अभिनय गर्नुभएको छ । भिडियोमा राजु ढकाल, दीपक खड्का, पज्जवल मल्ल, मधु कार्की लगायतको अभिनय रहेको छ । भिडियोमा निर्देशन दुर्गा पौडेलको रहेको छ । गायक शर्माले बिभिन्न समयमा देशप्रति समर्पित गीतहरु पनि सार्वजनिक गर्दै आउनु भएको छ । उहाँले बिभिन्न समयमा गीत सार्वजनिक गरेकी कारण  राजनितिक झमेला पनि भोग्नु परेको छ । केहि समय अघिको ‘लुट्न सके लुट’ बोलको गीत सार्वजनिक गरिसकेपछि धम्की आएकै कारण युट्युबबाट हटाउनु परेको थियो । अहिलेको ‘कठै मेरो देश’ बोलको गीतबारे गायक शर्मा भन्नुहुन्छ, ‘अहिलेको समयमा यस्तो निर्णय नगरेकोभए हुनेथियो । देशको अवस्था कस्तो छ, त्यसलाई बुझ्नुपर्ने अवस्थामा झन् यस्तो निर्णय राम्रो नभएको होकि ?’ गायक शर्माले आफ्नो गीतमा यथार्थ कुरा राखेको बताउनु हुन्छ । यसअघिको ‘लुट्न सके लुट’ गीतका कारण धम्की आएपछि अहिले त्यस्ता प्रकारका गीत निकाल्न डराउनु भएको त छैन भन्ने हाम्रो प्रश्नमा उहाँ भन्नुहुन्छ, ‘हैन, यो गीत हाम्रो देशको यथार्थ गीत हो । जे भइरहेको छ त्यो कुरा गीतमा समावेश गरेको छु ।’ <iframe frameborder="0" src="//www.youtube.com/embed/TmypzR7vb80" width="640" height="360" class="note-video-clip"></iframe>