मिहिनत गर्न नछाड्ने सञ्जीव

२२ आश्विन २०७८, शुक्रबार ०४:४४

<pre style="text-align: justify; ">गोपिकृष्ण चापागाईं/ असोज, काठमाडौं । </pre>झण्डै एक दशक अघि नेपाली म्युजीक भिडियोको क्षेत्रमा प्रवेश गर्न मुस्किल नै थियो । कसरी, को मार्फत र के गर्दा म्युजीक भिडियोको क्षेत्रमा लाग्न सकिन्छ त्यो थाहा पाउनै गाह्रो हुन्थ्यो । लगभग सिमित केहि टिम थियो, जसले म्युजीक भिडियो निर्माण गर्थे र कलाकार पनि सिमित थिए । त्यहि समयमा म्युजीक भिडियोको क्षेत्रमा आफ्नो जीवन देख्नुभएको सञ्जीव ठकुरी निरन्तर संघर्षमै हुनुहुन्थ्यो, जसरी पनि सञ्जीवलाई म्युजीक भिडियोको क्षेत्रमा प्रवेश गर्नुथियो ।मेलुङ गाउँपालिका वडा नं. ६, दोलखा घर हुनुभएका सञ्जीव भिडियोहरुमा मोडलिङ गर्न निकै रुचाउनुहुन्थ्यो । तर चाहेर सजिलै भिडियोमा काम गर्न सहज थिएन । त्यो समयका चलेका निर्देशक तथा कलाकारहरुको संगत र आफ्नो हरदम मिहिनतले गर्दा आज सञ्जीवले सफलताको बाटोतर्फ लम्कदै हुनुहुन्छ । बि.स. २०६८ सालमा भिडियोमा ‘साइड डान्सर’को रुपमा काम गरेर अभिनय यात्रा अगाडी बढाउनु भएका सञ्जीवले यो एकदशकको अन्तरालमा झण्डै ५ सय बढी म्युजीक भिडियोमा काम गर्नुभएको छ । उहाँको २०७१ सालमा मुख्य अभिनय रहेको खेमराज तिवारी र देवी घर्तिको स्वरमा रहेको लोकगीत ‘छाड्दिन म आज’को भिडियो सार्वजनिक भएको थियो । यस्तै त्यसै बर्ष दोस्रो लोकगीत ‘हुन्छ हुन्न नढाँटी भन्देऊ न’मा अभिनय गर्ने मौका पाउनुभयो । जुन गीतमा उद्धव मिघिरे र अमृता लुंगेली मगरको स्वर रहेको छ । भिडियोमा सञ्जीवसँगै रश्मी तामाङले अभिनय गर्नुृभएको थियो । <blockquote style="text-align: justify;">‘‘मिहिनत नगरी केहि पनि हुँदैन । सफलता हासिल गर्न सुरुमा निकै मिहिनत गर्नु आवश्यक छ, त्यसैले म सधैं मिहिनत गरिरहन्छु ।’’</blockquote>यस्तै बि.स. २०७३ सालबाट भने सञ्जीवलाई म्युजीक भिडियोको क्षेत्रमा ‘लक’ लाग्न थाल्यो । जब अमृत खाती र जुना प्रसाईंको स्वरमा रहेको ‘ओके छत’बोलको गीतको भिडियोमा अभिनय गर्नुभयो । उक्त गीतले उहाँलाई संगीत बजारमा सञ्जीव भनेर चिनाउन सफल भयो । त्यसपछि एकबर्षको अन्तरालमा मात्रै झण्डै सयवटा भिडियोमा काम गर्ने मौका मिलेको सञ्जीव बताउनुहुन्छ । ‘काम गर्ने क्रममा ओके छत गीतले चर्चामा ल्याइदियो । उक्त गीतले युट्युवसँगै नेपाली बजारमा राम्रो चर्चा कमायो । त्यसैले मलाई दर्शक माझ चिनाउन ठुलो सहयोग मिल्यो ।’ सञ्जीवले भन्नुभयो । ‘मेरो कलालाई चिनेर मलाई काम दिइरहनु भएको छ । यो सबै दर्शककै मायाको कारण हो ।’<img src="http://artistkhabar.com/uploads/posts/ae32d43e15b1e55633fbdfc5fb2d7bbc1633668245.jpg" style="width: 960px;"> सञ्जीवले पछिल्लो समय म्युजीक भिडियो निर्देशनमा पनि हात हाल्नुभएको छ । भिडियोमा अभिनयको काम गर्दै जाँदा निर्देशनमा पनि अनुभव बटुल्दै गएको र अहिले निर्देशन गर्न थालेको बताउनु भयो । दुईबर्ष अघिबाट निर्देशनमा हात हाल्नुभएका सञ्जीवले अहिलेसम्म सय वटा म्युजीक भिडियोमा कोरियोग्राफि तथा निर्देशन गरिसक्नुभएको छ । यतिमात्रै हैन सञ्जीवले दर्शकको साथ पाउँदै गएपछि आफूले गीत पनि गाउन सक्छु भन्ने लागेर आजभन्दा दुईबर्ष अघिनै ‘गल्ली गल्ली चोकचोकमा’ बोलको गीत पनि गाउनुभएको थियो । जुन गीतमा रोशन सिंहको शब्द तथा संगीत रहेको छ भने भिडियोमा सञ्जीव आफ्नै अभिनय छ ।सञ्जीवले काम गर्दै जादा निखारता आउने भएकाले कामलाई निरन्तरता दिने बताउनु भएको छ । अभिनय, निर्देशनसँगै गायनलाई पनि अगाडी बढाउने उहाँको इच्छा छ । तर पछिल्लो केहिबर्ष यता दिनहुँजस्तो अभिनय, कोरियोग्राफि अथवा निर्देशनमा ब्यस्त देखिनुहुन्छ । मिहिनत नै सफलताको पहिलो खुड्किला रहेको बताउँने सञ्जीव भन्नुहुन्छ, ‘मिहिनत नगरी केहि पनि हुँदैन । सफलता हासिल गर्न सुरुमा निकै मिहिनत गर्नु आवश्यक छ, त्यसैले म सधैं मिहिनत गरिरहन्छु ।’ सञ्जीवले अहिलेसम्म म्युजीक भिडियोको क्षेत्रमा चलेका कलाकारहरुसँग काम गरिसक्नुभएको छ । अनुशाह, शंकर बिसी, महेन्द्र गौतम, अन्जली अधिकारी, रश्मि तामाङ, करिश्मा ढकाल लगायतका कलाकारसँग काम गरिसकेको सञ्जीव बताउनुहुन्छ ।<img src="http://artistkhabar.com/uploads/posts/212b7e96939c93b7d9bd10e66000ebec1633668260.jpg" style="width: 960px;"> सञ्जीवको कामको अनुभवसँगै पछिल्लो समय नृत्य प्रतियोगीताहरुमा निर्णायकको भूमिकामा पनि निमन्त्रणा आउने गर्दछ । २०७५ साल असोज २८ गते बृहत साँस्कृतिक कार्यक्रम तथा एकल नृत्य प्रतियोगीता गुरुम्फी (दोलखा)मा निर्णायक बनेको सञ्जीवले सम्झनु भयो । उहाँसँगै मोहन तामाङ र प्रनिल गुरुङ निर्णायकमा हुनुहुन्थ्यो । यस्तै २०७५ साल असोज २९ गते पनि गायक प्रकाश कटुवालसँगै निर्णायकमा हुनुहुन्थ्यो । यस्तै पछिल्लो समय पनि उहाँ आफ्नो समय मिलाएर निर्णायकको भूमिकामा पनि काम गरिरहनुभएको छ ।सञ्जीवले काम गर्दै जाँदा कामको मुल्यांकन गर्दै बिभिन्न संघसंस्थाले सम्मान तथा अवार्ड प्रदान गरेका छन् । २०७५ मा दोस्रो ओ.एस. नेपाल म्युजीक अवार्डमा जुरी अवार्ड पाउनु भएका सञ्जीवले सोहिबर्ष तेस्रोे नेपाली म्युजीक भिडियो अवार्ड पाउनु भयो । जुन मलेसियामा सम्पन्न भएको थियो । सञ्जीवले मलेसियामै पुगेर अवार्ड उचाल्नुभएको थियो । यस्तै २०७६ मा ज्योती फिल्मस् अवार्ड, २०७७ मा पनि ज्योती फिल्मस् अवार्ड र २०७८ मा राष्ट्रिय काँठे लोक दोहोरी अवार्डबाट उत्कृष्ट मोडलको अवार्ड हात पार्नुभयो । (समाचार हिमालय टाइम्समा प्रकाशित छ)