युरोप र युएसमा नेपाली कलाकारको साथमा म्युजिकल टुर हुने

<pre style="text-align: justify; "><b>आर्टिष्ट खबर/ मंसिर, काठमाडौँ ।&nbsp;</b></pre><p style="text-align: justify; ">नेपाली कलाकारहरुको साथमा युरोपसँगै युएसका बिभिन्न ठाउँमा 'पिस एन्ड युनिटी अ म्युजिकल टुर २०२२' हुने भएको छ । बिहिबार राजधानिमा एक पत्रकार सम्मेलनका बिच टुर हुने कुराको जानकारी गराइयो ।</p><p style="text-align: justify; ">२०१९ मा यो टुर एक पटक भएको थियो । हरेक वर्ष गरिने भनिएको टुर त्यसपछी भने कोरोनाका कारण हुन सकेको थिएन । २०१९ मा सुगम पोखरेल, वर्षा राउत र तृष्णा गुरुङले युरोपका विभिन्न देशमा आफ्नो प्रस्तुती दिएका थिए । तर, यो पटक भने गायकहरु संजय श्रेष्ठ, दीपक बज्राचार्य, एड्रीन प्रधानसंगै गायिकाद्वय मेलिना राई र तृष्णा गुरुङ पनि विभिन्न देशमा जानेछन् ।&nbsp;</p><p style="text-align: justify; ">एप्रीलबाट जुनसम्म हुने यो टुरको सुरुवात जापानबाट हुने पिस एण्ड युनिटिका अध्यक्ष मनिष श्रेष्ठले बताए । जुनमा युरोपका केही देश र जुलाइमा युएसएमा कार्यक्रम भएपछी यो टुरको समाप्ती हुनेछ । जापान, युरोप र युएसएको विभिन्न ठाउँहरुमा कार्यक्रम हुने अध्यक्ष श्रेष्ठले बताए ।&nbsp;</p><p style="text-align: justify; ">जे होस, यो टुरका लागि संजय श्रेष्ठ, दीपक बज्राचार्य, एड्रीन प्राधन, मेलिना राई र तृष्णा गुरुङ न्युनतम पारीश्रमिकमा सहमत भएको कार्यक्रमका आयोजक किरण श्रेष्ठले जानकारी गराए । कार्यक्रममा बोल्दै उनले भने, 'टुरबाट भएको नाफाको ८०५ रकम पिस एण्ड ब्युटिफुल चिल्ड्रेन वेलफेयर नामक संस्थालाई च्यारीटी गरिने भएकाले कलाकारहरुले कम पारीश्रमिकमा आफ्नो प्रस्तुति दिन तयार भएका हुन् ।'</p><p style="text-align: justify; ">च्यारीटिका लागि आयोजना भएको कार्यक्रममा आफू सहभागी हुन पाउँदा निकै खुसी लागेको सबै गायक गायिकाले बताए ।</p>