निर्वाचनको समयमा बिदेशमा ब्यस्त सेलिब्रेटी

<pre style="text-align: justify; "><b>गोपिकृष्ण चापागाईं/ बैशाख, काठमाडौं ।&nbsp;</b></pre><p style="text-align: justify; ">आगामी शुक्रबार स्थानिय तहको निर्वाचन हुँदैछ । निर्वाचनका लागी बिभिन्न शहरमा रहेकाहरु घर फर्किरहेका छन् । आजसम्म घर फर्कनेहरुको घुँईचो नै लागेको छ । काठमाडौंको नयाँ बसपार्क, कलंकी देखी कोटेश्वर जस्ता ठाउँमा ठुलो घुँईचो नै देखिन्छ । आफ्नो कामकाजलाई थाती राखेर यसपटकको निर्वाचनमा सहि ब्यक्ति चुन्नुपर्छ भन्ने युवाहरुको जमात धेरै देखिन्छ ।</p><p style="text-align: justify; ">नेपाली कला क्षेत्रका केहि सेलिब्रेटीपनि उम्मेदवार हुनुहुन्छ । काठमाडौं उपत्यकासँगै बिभिन्न जिल्लामा उम्मेदवारी घोषणा गरेर प्रचार गर्ने सेलिब्रेटी धेरै नै&nbsp;हुनुहुन्छ । काठमाडौं उपत्यकाको मेयर पदका उम्मेदवार ¥यापर बालेनको चर्चा निकै छ ।&nbsp;</p><p style="text-align: justify; ">यस्तै निर्वाचनको मुखमा सांगितीक कार्यक्रमका कारण केहि सेलिब्रेटी भने बिदेश लाग्नुभएको छ । नेपाली चलचित्र क्षेत्रकी लोकप्रिय नायिका केकी अधिकारी केहि दिन अघिमात्रै अमेरिका उड्नुभयो । यस्तै अमेरिकामै प्रकाश सपूत अहिले सांगितीक कार्यक्रममा ब्यस्त हुनुहुन्छ । केहि महिना अघि देखी नै शंकर बिसी अमेरिकामै रहनुभएको छ । यस्तै गएको महिना गायिका कला लम्साल लण्डन पुग्नुभयो । यस्तै&nbsp; दुई दिन अघिमात्रै मोडल रिना थापा बेलायत उड्नुभएको छ । नायक सलोन बस्नेत पनि गएको बुधबार ‘हनि बनी’ चलचित्रको सुटिङका लागी भन्दे लण्डन पुग्नुभयो&nbsp;। यस्तै गायिका ज्योती मगर पनि नर्बेमा रमाइरहनुभएको छ ।<span style="white-space:pre"> </span></p><p style="text-align: justify; ">‘मेरो डान्स कप युएस’ रियालिटी शोका लागी नायिका केकी अमेरिका उड्नुभएको हो । नायिका केकीले बुधबार सामाजिक सञ्जाल फेसबुक मार्फत बहुमुल्य भोटको प्रयोग गर्न नपाउँदा चित्त दुखेको बताउनुभएको छ । उहाँले लेख्नुभएको छ, ‘निर्वाचनको समयमा देश बाहिर हुनु र आफ्नो बहुमुल्य भोटको प्रयोग गर्न नपाउनुले पनि चित्त दुख्ने रहेछ । काम विशेषले बाहिर भएको कारणले मैले यसपटक मेरो मताधिकारको प्रयोग गर्न पाइन । तपाईंहरुले चाहिँ आफ्नो एक भोटको मुल्य पक्कै बुझ्नुभएकै छ । निर्वाचनमा सहभागी भइ आफ्नो मताधिकारको सही प्रयोग गर्नुहोला । शान्त, सुरक्षित अनि सुब्यवस्थित वातावरणमा निर्वाचन सम्पन्न हुनसकोस् भन्ने कामना गर्दछु ।’</p><p style="text-align: justify; ">यस्तै नेपाली म्युजीक भिडियोको क्षेत्रमा पाँचसय बढीमा अभिनय गर्नुभएकी मोडल रिना थापा मगरले पनि निर्वाचनको मुखमै बिदेश हिड्नुपर्दा मन खिन्न भएको बताउनुभयो । उहाँले बेलायतका पुर्व निर्धारित कार्यक्रमहरु भएकाले यहि समयमा आफू बेलायत आउनुपरेको भन्दै यसपटक पनि भोट हाल्न नपाउँदा मन दुखी भएको बताउनुभयो । ‘कार्यक्रमहरु पहिल्यै देखी तय भएका हुन्छन् त्यसैले मिति सार्न नमिल्ने हुन्छ । आफ्नो देशमा निर्वाचनको रौनक छ तर यता आउनुप¥यो ।’ रिनाले टेलिफोनमा कुरागर्दै भन्नुभयो । ‘मैले यसपटक भोट हाल्न नपाएपनि सबैलाई आफूलाई मनले खाएको र आफ्नो गाउँठाउँ जसले बिकाश गर्छ जस्तो लाग्छ उसलाई भोट हाल्न अपिल गर्छु ।’ कलाकार रिना काभ्रेको पाँचखाल नगरपालिका वडा नं १३ को कोसीदेखाबाट भोट हाल्ने तयारीमा हुनुहुन्थ्यो ।&nbsp;</p><p style="text-align: justify; ">गायिका कला लम्साल पनि यतिबेला लण्डनका बिभिन्न स्टेजमा ब्यस्त हुनुहुन्छ । नयाँ बर्षको छेको पारेर सांगितीक कार्यक्रमका लागी उड्नुभएकी कलाले अहिलेसम्म ९ वटा कार्यक्रममा आफ्नो प्रस्तुती दिइसक्नुभएको छ । उहाँले लण्डन, टोरन्टो, मन्ट्रीयल, क्याल्गरि लगायतका सिटीमा प्रस्तुती दिएको र अब केहि सातामात्रै रहने जानकारी दिनुभयो । गायिका कलाले पनि यसपटकको स्थानिय तहको निर्वाचनमा आफ्नो बहुमुल्यको भोटको प्रयोग गर्न नपाउँदा दुख लागेको बताउनुभयो । कलाले पनि पुर्वनिर्धारित कार्यक्रम भएकै कारण निर्वाचनको मितिसम्म पनि स्वदेश फर्कन नसकेको बताउनुभयो । उहाँले भन्नुभएको छ, ‘म नेपालमा भएको भए गृहजिल्ला तनहुँ मै गएर भोट हाल्ने सोचेकी थिएँ । आफ्नो एक भोटका कारण पनि सहि प्रतिनिधिलाई जिताउन ठुलो मद्दत पुग्छ त्यो बुझेकी थिएँ, तर सोचेजस्तो भएन ।’</p><p style="text-align: justify; ">कोरियोग्राफर तथा मोडल शंकर बिसी भने केहि महिना अघि देखी नै अमेरिकामै रहनुभएको छ । उहाँले तीजपर्वलाई लक्षित गर्दै नेपाल फर्कने तयारी गर्दै हुनुहुन्छ । उहाँ पनि अहिले ‘मेरो डान्स कप युएस’का लागी ब्यस्त हुनुहुन्छ । काठमाडौं उपत्यका बाहिरका सेलिब्रेटीहरु भने धेरैजसो गृहजिल्ला पुगिसक्नुभएको छ भने कति आज जाने तयारीमा हुनुहुन्छ ।</p><div style="text-align: justify; "><br></div>