२२ बैशाख २०८०, शुक्रबार १२:५५ 
बैशाख, काठमाडौँ । आर्टिष्ट खबर मिडियाको ८ औं बार्षिकोत्सवको अवसरमा भित्ते पात्रो (क्यालेन्डर) सार्वजनिक गरिएको छ । बार्षिक मिति सहितको क्यालेन्डर आज (शुक्रबार) सार्वजनिक गरिएको हो । क्यालेन्डरमा आर्टिष्ट खबरले गरेका रिपोर्टिङका बिभिन्न तस्बिर सहित आफ्ना बिभिन्न कार्यक्रमका तस्बिर समेटिएको छ ।
भित्ते पात्रोले बिभिन्न ब्यक्तिहरुको मन आर्टिष्ट खबरसँग जोडिनेमा आर्टिष्ट खबरका सम्पादक गोपिकृष्ण चापागाईँले विश्वास राख्नुभयो । पात्रोमा महानायक राजेश हमालले आर्टिष्ट खबरको गोल्डेन वटन उद्घाटन गरेका समारोहका देखी बिभिन्न तस्बिर राखिएको छ ।
पात्रोमार्फत फेसियल हाउस, रोयल मुभिज प्रा.ली, एपिक नेपाल म्युजिक अवार्ड, प्रमोटिङ सोलुसन, मिस मगर इन्टरनेशनल, टप राजधानी दोहोरी साँझ, यस्तै ज्योतिषी अनिल थापा लगायतले शुभकामना ब्यक्त गरेका छन् । फेसियल हाउसकी संस्थापक ब्युटिसियन सुष्मा महराले आर्टिष्ट खबरलाई आठौं बार्षिकोत्सवका अवसरमा शुभकामना ब्यक्ति गरिन् । उनले नेपाली कला क्षेत्रमा आर्टिष्ट खबरले पत्रकारिताको माध्यमबाट गरिरहेका योगदानलाई सम्झदै भोलीका दिनमा अझ सफलताको शुभकामना ब्यक्त गरिन् ।
यस्तै रोयल मुभिजको तर्फबाट निरेन श्रेष्ठ, एपिक नेपाल म्युजिक अवार्डको तर्फबाट राजेन्द्र पुरी, टप राजधानी दोहोरी साँझका सन्चालक गायक प्रकाश कटुवाल, ज्योतिषी अनिल थापा लगायतले पनि शुभकामना ब्यक्त गरेका छन् । यस्तै चलचित्र कलाकार संघका अध्यक्ष मोहन निरौला, राष्ट्रिय लोक तथा दोहोरी गीत प्रतिष्ठानकी अध्यक्ष रिता थापा मगरले पनि शुभकामना ब्यक्त गरेका छन् ।
