२७ आश्विन २०७४, शुक्रबार ०७:१५ 
<pre><b>असोज, काठमाडौं। </b></pre><p>इमेज च्यानलले हरेक वर्ष आयोजना गर्दै आएको इमेज म्युजिक अवार्डको १९औं सस्करण आज राजधानीमा हुँदै छ। नेपाली गीत, संगीत क्षेत्रका उत्कृष्ट स्रष्टाहरुलाई सम्मान गरीने यस अवार्डमा गीत, संगीत, रचना, संगीत संयोजनलगायत म्युजिक भिडियो र सार्वजनिक रुचि (पब्लिक च्वाइस) समूह गरी २३ विधामा विजेता घोषित गरिने छ । सबै विधाका उत्कृष्ट पाँच पाँच मनोनयन सार्वजनिक गरी त्यसकै आधारमा विज्ञको रोजाइ र दर्शकको मतका आधारमा विजेता घोषणा गरिन लागेको हो ।</p><p>यसका साथै कार्यक्रममा वरिष्ठ संगीतकार दीपक जंगमलाई लाइफटाइम अचिभमेन्ट अवार्डबाट सम्मान गरीने भएको छ। गीतकार जगंमले गीत, संगीत क्षेत्रमा यति धेरै माया दिई ,दोधार भो यो जिन्दगी ,तिम्रो यादमा ,गरुँ कि मीठो भूल ,हजार चोटी जन्मुँला ,यी हल्लाहरु हुन ,एउटा मान्छेको मायाले कति ,लहरे वर घुमाउने चौतारी ,गाजलु ती ठूला ठूला आँखा,विरहले रोएको रातमा,लोलाएका लगायत थुप्रै कालजयी गीतहरु दिएका छन्। </p>
