१२ मंसिर २०७४, मंगलवार ०८:५५ 
<pre><b> मंसिर १२, काठमाडौं। </b></pre><p> स्वर्गीय निर्देशक आलोक नेम्बाङद्वारा निर्देशित अन्तिम म्युजिक भिडियो सार्वजनिक भएको छ । निर्देशक नेम्बाङले २०७१ साल कात्तिक २० गते यो संसार त्याग्नुभन्दा केही दिनअघि यस भिडियोलाई निर्देशन गरेका थिए । गायक प्रल्हाद तिमिल्सिनाको स्वर रहेको ‘यो मनलाई’ बोलको गीतको म्युजिक भिडियो छायांकन भएको केही दिनपछि नै निर्देशक नेम्बाङले आत्महत्या गरेपछि भिडियोका फुटेजहरु संकलन गर्न समय लागेको थियो । यहि कारण यो म्युजिक भिडियो ढिलो रिलिज भएको गायक तिमिल्सिनाले बताएका छन् । भिडियो गायक तिमिल्सिनाकै आधिकारिक यूट्युब च्यानलबाट सार्वजनिक गरिएको छ ।</p><p>कालीप्रसाद रिजालको शब्द तथा आलोकश्रीको संगीत रहेको यस गीतमा महाराज थापाको संगीत संयोजन छ । यो गीत गायक तिमिल्सिनाको एकल एल्बम ‘महक’ मा समावेश गरिएको छ ।</p><p>धीरजजंग शाहद्वारा छायांकन गरिएको यस भिडियोलाई प्रकाश तुलाधरले सम्पादन गरेका छन् । बालाजु आसपासका क्षेत्रमा छायांकन गरिएको यस भिडियोमा अनिल थापा तथा एलिजा बस्नेतले अभिनय गरेका छन् ।</p><p><iframe frameborder="0" src="//www.youtube.com/embed/t_DRClShT60" width="640" height="360" class="note-video-clip"></iframe><br></p>
