१४ माघ २०७४, आईतवार ०७:२२ 
<pre><b>माघ , काठमाडौं।</b></pre><p>युवास्टार अनमोल केसी अभिनित चलचित्र ‘कृ’ को टिम स्कटल्याण्ड पुगेको छ । आउँदो माघ २६ बाट देशव्यापी प्रदर्शनमा आउन लागेको यो चलचित्रको एक गित छायांकनका लागी चलचित्र टिम त्यसतर्फ शुक्रबार साँझ प्रस्थान गरेको हो । त्रिभुवन अन्तर्राष्टिङय बिमानस्थलमा सञ्चारकर्मिहरुसँग कुरागर्दै चलचित्रका निर्माता भुवन केसीले भने– ‘एक रोमान्टिक गीत छायांकनका लागी हामी स्कटल्याण्ड जाँदै छौं । गीत दर्शकलाई मन पर्ने खालको बन्दैछ प्रतिक्षा गर्नुहोला’</p><p>त्यस्तै नायक अनेमोलले पनि अदितिसँगको रोमान्समा स्कटल्याण्डमा रोमान्टिक गीतको छायांकन गरिने बताए । उनले चलचित्रको यसअघिको ट्रेलर तथा गीतलाई माया गरिदिने सम्पुर्ण दर्शकलाई धन्यवाद दिए र अबको गीतलाई पनि माया गरिदिन अनुरोध समेत गरे ।</p><p>भुवन र अनमोलसँगै नायिका अदिती बुढाथोकी, अर्का निर्माता सुबास गिरी, निर्देशक सुरेन्द्र पौडेल, छायाँकार पुरुषोत्तम प्रधानसहितको टिम स्कटल्याण्ड उडेको हो । </p><p> उक्त टिममा लामो समयदेखि भुवनसँग ‘लिभिङ टूगेदर’ मा रहँदै आइरहेकी जीया केसी पनि छिन् । माघ १७ गते यो टिम काठमाडौं फर्किदैछ । सुवास इन्टरटेन्मेन्ट प्रालिको ब्यानरमा निर्माण भएको ‘कृ’ लाई द सुपर काजोल फिल्मस्ले प्रस्तुत गरेको हो । चलचित्रमा अनमोल र अदितीका अलावा सरोज खनाल, रुपा राना, अनुपविक्रम शाही, कामेश्वर चौरासिया लगायतका कलाकारको मुख्य भूमिका छ । चलचित्रका कार्यकारी निर्माता कमल गिरी हुन् भने सह–निर्माता श्री पराजुली रहेका छन् ।</p><p><br></p>
