२१ भाद्र २०७५, बिहीबार ०१:५७ 
<pre style="line-height: 1.42857; text-align: justify;"><b>मुम्बई (एजेन्सी) ।</b></pre><p>बिगत लामो समय अघि बलिउड अभिनेता अभिषेक बच्चन र अभिनेत्री करिश्मा कपूरको इन्गेजमेन्ट तोडिएको खबरले बलिउड निकै तातेको थियो । इन्गेजमेन्ट टुटेपछि यी दुई एकअर्काको आमुन्ने सामुन्ने पर्न छाडे । कुनेै कार्यक्रममा देखादेख भएपनि उनीहरु बोल्दैनन् । </p><p>हाल अमिताभ बच्चनकी छोरी श्वेता बच्चनले क्लोदिङ्ग ब्राण्ड सुरु गरेकी छिन् । त्यसै ब्राण्डको शुभारम्भमा बच्चन परिवारका साथै बलिउडका कैयौं स्टार कलाकारहरु उपस्थित थिए । कार्यक्रममा करिश्मा कपूरलाई पनि आमन्त्रित गरिएको थियो । करिश्मा बाहेक कार्यक्रममा शाहरुख खान, सञ्जय कपूर र चंकि पाण्डेका छोरीहरु क्रमश सुहाना खान, शनाया कपूर र अनन्या पाण्डे लगायतका कलाकारको उपस्थित थियो । <br></p><p>अभिषेक श्रीमती ऐश्वर्याका साथ कार्यक्रममा उपस्थित भएका थिए । अभिषेक मिडिया सामु ऐश्वर्याका साथ पोज दिइरहेका थिए भने करिश्मा उनीहरुको नजिकै उभिएकी थिइन् । तर अभिषेकले करिश्मालाई देखेर पनि नदेखेझैं गरेर त्यहाँबाट हिंडे । त्यसैबेला करिश्मालाई अभिषेककी दिदी श्वेताले साथ दिइन् । उनले करिश्माको हात थाम्दै मिडिया सामु फोटोशुट पनि गरिन् । तर करिश्मालाई यसरी साथ दिइरहेकी श्वेताले आफ्नै भाइबुहारी ऐश्वर्याको कुनै मतलब गरिनन् ।<br></p><p><br></p><p><br></p><p><br></p><p><br></p>
