प्रियंका र निकको विवाह नजिकियो, नरेन्द्र मोदी लगायत अरु क-कस्लाई निम्ता ?

१४ मंसिर २०७५, शुक्रबार १०:१९

<pre style="line-height: 1.42857; text-align: justify;">आर्टिष्ट खबर / मंसिर काठमाडौं ।</pre>करिब तीन महिना अघि इन्गेजमेन्टका कारण निकै चर्चामा आर्इरहेका बलिउड अभिनेत्री प्रियंका चोपडा र हलिउड गायक निक जोनस विवाह बन्धनमा बाँधिने दिन नजिकै आईसकेको छ । बताइए अनुसार डिसेम्बर २ मा उनीहरु क्रिश्चियन रिति अनुसार विवाह गर्दैछन् भने त्यसपछि हिन्दु रिति अनुसार विवाह गर्नेछन् । विवाहका लागि प्रियांका र निक भारतको जोधपुरमा रहेको उमेद भवनमा पुगेसँगै परिवारका अन्य सदस्य निकका बुवा पल जोनस,आमा डेनिस, दाइहरु जोइ जोनस र केभिन जोन पनि जोधपुर पुगिसकेका छन्। त्यस्तै प्रियांकाकी आमा मधु चोपडा र बहिनी परिणिती चोपडा विवाहको अघिका कार्यक्रममा लागि जोधपुर पुगिसकेका छन्। नोभेम्बर २९ मा मेहेन्दी र संगीत कार्यक्रम सम्पन्न भईसकेको छ।<img src="http://artistkhabar.com/uploads/posts/4bf02d75fe7b8b4544169477c0040ebc1543573114.jpg" style="width: 960px;"> विवाहमा बलिउडमात्रै नभएर हलिउड चलचित्रकर्मी लगायत कलाकारहरुको पनि उपस्थिति रहनेछ। प्रियांकाले पछिल्लो समय हलिउडको टिभी सिरिज ‘क्वान्टीको’मा प्रख्यात रेस्लर तथा हलिउड अभिनेता डोयन जोनसोन (द रक) सँग बेवाच गरेकी थिइन् । विवाहमा डोयन जोनसोन लगायत अन्य हलिउड कलाकारको पनि उपस्थिति रहनेछ। त्यस्तै ‘ गेम अफ थ्रोन’की हिरोइन सोफी टर्नर पनि जोधपुर पुगेकी छिन्। प्रियंकाले विवाहमा चलचित्रकर्मी र कलाकारलाई मात्र नभएर प्रधानमन्त्री नरेन्द्र मोदीलाई पनि निमन्त्रणा गरेकी छिन् ।