२१ पुष २०७५, शनिबार १२:४१ 
<pre style="line-height: 1.42857; text-align: justify;"><span style="font-weight: 700;">मुम्बई (एजेन्सी) ।</span> </pre><p style="text-align: justify; ">२०१८ को अन्तिम दिन डिसेम्बर ३१ बलिउडका चर्चित कलाकार कादर खानको अन्तिम दिन सावित भयो । उनको ८१ बर्षको उमेरमा उपचारका क्रममा अस्पतालमा निधन भएको हो । उनको मृत्युको खबर बाहिरिए लगत्तै सामाजिक संजालमार्फत बलिउड जगतका अन्य कलाकारले शोक प्रकट गरे । यसरी अरु कलाकारले शोक प्रकट गरिरहँदा कादर खानको छोरा सर्फराजले भने बलिउडका अन्य कलाकारले देखावटी प्यार जताएको भन्दै भड्किएका छन् । बिरामी हुन्जेल एककल फोन गरेर आफ्नो बुवाको स्वास्थ्य बारे खोजिनीति नगर्ने कलाकारहरु आज मरेर गएपछि सामाजिक संजालमामा बुवाको फोटो पोस्ट्याएर शोक प्रकट गर्नेहरु देखि सर्फराजले चित्त दुखाएको भारतिय संचारमाध्मले जनाएको छ । कादरलाई सारा बलिउड उद्योगले नै वेवास्ता गरिदिएको भन्दै भारतीय मिडियासँग सर्फराजले दुखेसो पोखेका छन् । । दर्जनौ कादरसँग एकसाथ चलचित्रमा काम गरेका कलाकारले आफ्नो बुवाको निधनपछि पनि एक कल फोन नगरेको सर्फराजले बताएका छन् । उनले भारतीय मिडियासँगकुरा गर्दै सबैमा जानकारी गराँउदै भने 'दुनियाँलाई देखाउनको लागी बुवाको फोटो वालमा पोस्टाएर खोक्रो शोक ब्यक्त नगर्नुस ।'</p><p style="text-align: justify; "><img src="http://artistkhabar.com/uploads/posts/50630d4138b9204f8fea77012384b5b51546692068.jpg" style="width: 580px;"><br></p><p style="text-align: justify; ">बलिउडका चर्चित अभिनेता गोविन्दाले पनि आफ्नो इन्स्टाग्राममा एक तस्बिर सेयर गर्दै कादर खान आफ्ना लागि पिता समान रहेको बताएका थिए । उक्त पोस्ट सर्फराजले देखेपछि उनी गाविन्दा माथी आक्रोशित भएका छन्। बिरामी हुन्जेल एककल फोन गरेर बुवाको स्वास्थ्य बारे सोधपुछ नगर्नेले अहिले पिता समान भनेको सर्फराजलाई चित्त नबुझेको बताएका छन् । </p><p style="text-align: justify; "><img src="http://artistkhabar.com/uploads/posts/4dd4e8dec9ff65f1000a68ced265b5771546692110.jpg" style="width: 757px;"><br></p><p style="text-align: justify; ">गोविन्दामात्र नभएर सारा बलिउड उद्योगले नै कादर खानलाई वेवास्ता गरिदिएको भन्दै एक मिडियासँग सर्फराजले दुखेसो पोखे । उनले भने 'बुवा भन्नुहुन्थ्यो संसारमा अरुबाट कुनै पनि अपेक्षा नराख्नु ।'</p><p style="text-align: justify; "><img src="http://artistkhabar.com/uploads/posts/75572eab12c4de1edbd1e2cba6c861501546692084.jpg" style="width: 633px;"><br></p><p style="text-align: justify; ">सर्फराजका अनुसार बलिउडमा कैयौं व्यक्तिहरु कादरसँग निकट भएपनि उनी एक ब्यक्तिलाइ मात्र याद गर्थे जसलाई कादरले निकै पराउँथे र मान सम्मान दिन्थे । उक्त ब्यक्ति अमिताभ बच्चन थिए । कादर अस्पताल भर्ना भएपछि अमिताभ बच्चनले भने कादरको स्वास्थ्य सम्बन्धी सोधपुछ गरेको सर्फराजले बताए । तर अन्य कलाकारले भने सामाजिक संजालमा फोटो राखेर बाहिरी दुनियालाई देखाउनकै लागि सम्मान गरेको सर्फराजको भनाई छ । </p>
