१६ मंसिर २०७६, सोमबार ०३:५२ 
<pre style="text-align: justify; "><b>आर्टिष्ट खबर/ मंसिर, काठमाडौं ।</b></pre><p style="text-align: justify; "> नेपाली लोक तथा दोहोरी गीत क्षेत्रकी लोकप्रिय गायिका <a href="https://www.youtube.com/watch?v=qkfIGjvuhKs&t=37s" target="_blank"><font color="#0000ff">सर्मिला श्रेष्ठ</font></a>लाई स्टेजमा गीत गाउनका लागी मात्र होइन, कार्यक्रम सञ्चालनकै लागी अफर आउने गर्छन् । कार्यक्रम उद्घोषणमा पनि उत्तिकै ज्ञान र दक्षता भएकी सर्मिलालाई स्टेजमा बोलाउँदा गायनसँगै कार्यक्रम सञ्चालकको भूमिका निभाउने हुँदा कार्यक्रम आयोजक पनि ढुक्क हुन्छन् । सर्मिला पनि कार्यक्रम सञ्चालन जिम्मेवारी पुर्वक निर्वाह गर्दै आएकी छिन् ।<br></p><p style="text-align: justify; "><img src="http://artistkhabar.com/uploads/posts/5586103d7d6226bd8b73ec4a8823d9231575258568.jpg" style="width: 960px;"><br></p><p style="text-align: justify; ">गीतसँगीको क्षेत्रमा पनि उत्तिकै लोकप्रियता कमाइरहेकी सर्मिला अहिले नेपालमा भइरहेका मेला महोत्सवमा निकै ब्यस्त छिन् । कतै <a href="https://www.youtube.com/watch?v=-6dWuXlSInI" target="_blank"><font color="#0000ff">कार्यक्रम सञ्चालिका</font></a>को भूमिकामा महोत्सव समय भरी नै ब्यस्त हुन्छिन् त कतै गायिकाको रुपमा मात्रै पनि दर्शकलाई मनोरञ्जन दिन पुगेकी हुन्छिन् । सर्मिलाका चाँगु नारायण थान, नक्कली, हेम्सप पोई लगायत दर्जनौं गीत लोकप्रिय छन् ।</p><p style="text-align: justify; ">यसैबिच अहिले सर्मिला भक्तपुरमा आयोजीक भक्तपुर साँस्कृति पर्यटन तथा ब्यापारिक मेलामा ब्यस्त छिन् । यो मेलामा सर्मिलाले गायिकासँगै कार्यक्रम सञ्चालिकाको भूमिका निभाइरहेकी छिन् । ‘अहिले तीनदिनका लागी कार्यक्रम सञ्चालन गर्ने अवसर दिनुभएको छ । आफूले जानेको कुरा गरेकी हुँ । यो अवसरका लागी आयोजकलाई धन्यवाद दिन चाहान्छु ।’ सर्मिलाले आर्टिष्ट खबरसँग कुरागर्दै भनिन् । यहि मंसिर १३ गतेबाट सुरु भएको यो महोत्सव आगामी २३ गतेसम्म चल्नेछ । गएको शनिबार गायिकाको रुपमा महोत्सवमा प्रस्तुत भएकी सर्मिला सोमबार र मंगलबारका लागी महोत्सवको होस्टको रुपमा रहेकी छिन् । महोत्सवमा आज (सोमबार) गायक राजनराज शिवाकोटीले प्रस्तुती दिनेछन् । </p>
