२० पुष २०७६, आईतवार ०५:३८ 
<pre style="text-align: justify; "><b>मुम्बई (एजेन्सी) । </b></pre><p style="text-align: justify; ">बलिउडको आउँदो चलचित्र ‘मलाङ’ को पोष्टरले दर्शकमा थप कौतोहल्ता थपिदिएको छ । आदित्य रोय कपुर, दिशा पटानी तथा अनिल कपूरको मुख्य भूमिका रहेको यो चलचित्रबारे सामाजिक सञ्जालमा निकै चर्चा देखिन्छ । शुक्रवार चलचित्रका प्रमुख पात्रको पोस्टर रिलिज गरिएको थियो। यस्तोमा निर्माण टिमले शनिवार अर्को पोस्टर सार्वजनिक गरेको छ । जुन पोस्टरमा आदित्य र दिशाको रोमान्टिक सिन प्रस्तुत गरिएको छ । दिशाले इन्स्टाग्राममा सो पोस्टर सेयर गर्दै लेखेकी छिन्, ‘टू वाइल्ड सोल्स… वान लभ… मलाङ!’</p><p style="text-align: justify; ">शुक्रवार मात्रै आदित्यले फर्स्ट लुक पोस्टर इन्स्टाग्राममा सेयर गरेका थिए । क्याप्सन थियो, ‘लभ इज प्योर, सो इज हेट।’ आदित्यसँगै दिशाले पनि इन्स्टाग्राममा फर्स्ट लुक पोस्टर सेयर गर्दै लेखेकी थिइन्, ’इन लभ… लिभिङ लाइफ फ्रम वान हाई टू अनोदर।’</p><p style="text-align: justify; ">चलचित्रमा अनिल कपूर पुलिसको भूमिकामा देखिने छन्। उनी मुख्य खलपात्रको रुपमा देखिने बताइएको छ । मोहित सुरीले निर्देशन गरेको ‘मलाङ’को ट्रेलर सार्वजनिक भइसकेको छैन भने चलचित्र आउँदो फेबु्रअरी ७ प्रदर्शन हुने तयारीमा छ । </p><p style="text-align: justify; "><br></p>
