२४ माघ २०७६, शुक्रबार ०४:०४ 
<pre style="text-align: justify; "><b>एजेन्सी ।</b></pre><p style="text-align: justify; "> हलिउडका लोकप्रिय अभिनेता कर्क डगलसको १०३ वर्षको उमेरमा निधन भएको छ । सन् १९१६ मा न्यू योर्क शहरमा जन्मिएका डगलस हलिउडको सुनौलो युगमा सफल अभिनेता हुन । उनलाई सन् १९४९ मा बक्सिङमा आधारित सिनेमा ‘च्याम्पियन’ले पहिलो पटक ओस्कार मनोनयनमा पारेको थियो । उनी ओस्कार विजेता अभिनेता माइकल डगलासका पिता हुन् ।<br></p><p style="text-align: justify; ">‘भारी उदासीका साथ मेरा भाइहरु म यो घोषणा गर्दछौं कि कर्क डगलासले हामीलाई आज छाडेर जानुभयो’, पिताको निधनको खबर दिदैं जारी एक वक्तव्यमा माइकलले भनेका छन् । वक्तव्यमा माइकलले आफ्ना बाबुको अन्तिम जन्मदिनमा उनलाई भनेको कुरा पनि स्मरण गरेका छन् </p><p style="text-align: justify; ">कर्कले ९० बढी सिनेमामा काम गरे। सिनेमामा उनी १९४० देखि सन् २००० सम्म सक्रिय थिए । उनको कामको सर्वाधिक तारिफ बटुलेको सिनेमा ‘स्पार्टाकस’ थियो। सो सिनेमाले चार वटा ओस्कार जितेको थियो । सोही सिनेमाको ‘आइ एम स्पार्टाकस’ भन्ने संवाद पछि पप संस्कृतिको एउटा महत्वपुर्ण शब्दकोश बन्यो ।</p><p style="text-align: justify; ">कर्क डगलास तीन पटक ओस्कारको मनोनयनमा परेका थिए। उनी ‘च्याम्पियन’बाट सन् १९४९ मा पहिलो पटक ओस्कारको मनोनयनमा परेका थिए भने त्यसपछि सन् १९५२ र १९५६ मा क्रमशः ’द ब्याड एण्ड द ब्यूटीफूल’ र ’लस्ट फर लाइफ’ सिनेमाबाट मनोनित भएका थिए ।</p><div style="text-align: justify; "><br></div>
