१ भाद्र २०७७, सोमबार ०७:५१ 
<pre style="text-align: justify; "><b>भदौ, काठमाडौं । </b></pre><p style="text-align: justify; ">गायक सुगम पोखरेलले आफ्नो दिवंगत बुबाको सम्झनामा नयाँ गीत ‘बुबाःहजुरको याद आउँछ’ सार्वजनिक गर्नुभएको छ । गीतमार्फत केही समयअघि गुमाएका आफ्ना बुबालाई सम्झिनु भएका सुगमले कुशे औंशी अर्थात बुबाको मुख हेर्ने दिनको छेकोमा सार्वजनिक गर्ने तयारीमा हुनुहुन्थ्यो । गीतको भिडियो तयार गरेर आफ्नो बुबालाई सरप्राइज दिने योजना अपूर्ण भएको भन्दै गीतमार्फत दिवंगत बुबालाई तिम्रो याद आउँछ भन्दै सम्झनु भएको हो । </p><p style="text-align: justify; ">सुगमले लेख्नुभएको छ, ‘बुबालाई सरप्राइज दिन खोजेको थिएँ, त्यो अप्रत्याशित खबरले आफैं पो सरप्राइज भएँ । ‘बुबा’ शीर्षकमा गीत गर्दैछ रे भन्ने उहाँलाई थाहा थियो, तर मलाई गीत सुनाउन नपाएकोमा बडो थकथक लागेको छ । भौतिक रुपमा बुबा अहिले हामीमाझ नभए पनि उहाँको शिक्षादिक्षा, सोच, सपना अनि आर्शीवादलाई मार्गदर्शन मानेर एउटा असल मान्छे बन्ने प्रयास सधैं गर्नेछु ।’</p><p style="text-align: justify; ">उहाँले यो गीत सम्पूर्ण बुबाहरुलाई ‘बुबाको मुख हेर्ने दिन’ को कोसेली स्वरुप सार्वजनिक गरेका बताउनु भएको छ । गीतमा शब्द, स्वर र संगीत सुगम आफैको छ । </p><p style="text-align: justify; "><br></p>
