चेतनको प्रत्येक तीजमा घन्किने गीत ‘तीजको रहर आयो बरी लै’

<pre style="text-align: justify; "><b>जेठ, काठमाडौं ।&nbsp;</b></pre><p style="text-align: justify; ">नेपाली साहित्य, कला, लोकसंस्कृतिका साथै चलचित्र क्षेत्रमा विगत लामो समयदेखि क्रियाशील वरिष्ठ व्यक्तित्व चेतन कार्कीको आइतबार निधन भएको छ । ८४ बर्षिय कार्कीको काठमाडौंको छाउनीस्थित सैनिक अस्पतालमा निधन भएको हो ।&nbsp;</p><p style="text-align: justify; ">बैशाख १६ गते भारतको देहरादूनबाट काठमाडौं आउनु भएका कार्कीलाई ज्वरो आएपछि अस्पताल भर्ना गरिएको थियो ।​ पारिवारीक स्रोतका अनुसार उहाको आइतवार विहान १० बजे निधन भएको हो ।&nbsp;</p><p style="text-align: justify; "><br></p><blockquote><font color="#ce0000">‘‘कार्कीले लेखेका थुप्रै कालजयी गीत मध्ये ३२ बर्षअघिको निकै प्रचलित लोकभाका ‘तीजको रहर आयो बरी लै’ अहिले पनि प्रत्येक बर्षको तीजमा निकै घन्किने गर्दछ ।’’</font></blockquote><p style="text-align: justify; ">उहाले लेखेर रेकर्ड भएका दर्जनौँ गीत लोकप्रिय छन् । ‘तीजको लहर आयो बरिलै, कान्छी हे कान्छी, दाइलाई बोलाउँ भने लेक स्वर पुग्दैन’, ‘बैनीको दया छ भने रोदीघर दाइ नाच नभने’, ‘बुझ्नै सकिनौ तिमीले आँखाको भाखा मेरो’, ‘यी ओठ तिम्रा मुस्कानलगायत’ गीतहरूले आज पनि उत्तिकै सुनिने गरिन्छ ।&nbsp;</p><p style="text-align: justify; ">कार्कीले लेखेका थुप्रै कालजयी गीत मध्ये ३२ बर्षअघिको निकै प्रचलित लोकभाका ‘तीजको रहर आयो बरी लै’ अहिले पनि प्रत्येक बर्षको तीजमा निकै घन्किने गर्दछ । तत्कालीन समाजका महिलाको भोगाइ समेटेर लेखिएको उक्त तीज गीत नेपाली चलचित्र ‘कन्यादान’मा राखिएको थियो । उक्त गीतको भाका जनकवि केशरी धर्मराज थापाको प्रसिद्ध गीत ‘नेपालीले माया मा¥यो बरी लै’बाट लिइएको थियो ।</p><p style="text-align: justify; ">यस्तै कार्कीले नेपाली चलचित्रको क्षेत्रमा पनि ठुलो योगदान पु¥याउनु भएको छ । ‘विश्वास, पहिलो प्रेम, मनको आँखा, भूमरी’ जस्ता चलचित्रको निर्देशन गर्नुभएका कार्कीले थुप्रै चलचित्रको स्क्रिप्ट र गीत पनि लेख्नुभएको छ । उहाले कलाकार तथा निर्देशक नीर शाहको पहिलो चलचित्र ‘परिर्वतन’ देखि स्क्रिप्ट लेखन सुरु गर्नुभएको थियो । स्याङ्जामा जन्मिनु भएका कार्कीका प्रकाशित उपन्यासहरुमा ‘आत्मा बेचेको छैन, ढलेको गिलास र हनिमुन’ चर्चित छन् । कार्कीको श्रीमती र २ छोरा छन् ।</p><p style="text-align: justify; ">स्वर्गीय कार्कीको साहित्यिक रचनाकर्मको शुरुवात र प्रकाशन सन् १९५२ मा भारतको देहरादूनमा हिन्दीमा कविता लेखेर भएको थियो । उहालाई पिताले ४ वर्षको उमेरमै दाजुसँग देहरादून लगेर गोर्खा मिलिट्री स्कूलमा भर्ना गरिदिनु भएको थियो । उहा त्यहाँ नौ कक्षासम्म पढ्नुभयो । उहाले नेपालीसँगै हिन्दी र उर्दूमा पनि कविता लेख्नुभएको छ । उहाका तीनै भाषामा कविता पुस्तक प्रकाशित छन् ।&nbsp;</p><p style="text-align: justify; ">सरकारी सेवामा कार्यरत उहा तिनताक गीत–संगीत तथा संस्कृतिका क्षेत्रमा पनि क्रियाशील रहनुभयो । सरकारी जागिर छोडेपछि चलचित्र निर्देशक हिरासिंह खत्रीको सम्पर्कमा पुग्नु भएका कार्कीले चलचित्र लेखनका साथै केही नेपाली चलचित्रहरुको निर्देशन पनि गर्नुभयो ।&nbsp;</p><div style="text-align: justify; "><br></div>