९ फाल्गुन २०७२, आईतवार ०४:२८ 
फागुन ९ । लोक गायक मिलन लामा यतिखेर अमेरीकाको न्यूयोर्कमा छन् । नेपाली सांगितिक कार्यक्रमको शिलशिलामा अमेरीका पुगेका मिलनले नेपालका लागी अमेरीकामा आएका पर्यटकहरुसँग सहयोग पनी मागेका छन् । उनले अमेरीकामा रहेका पर्यटकहरुलाई नेपाल घुम्न आउन आग्रह गर्दे सहयोग मागेका हुन् ।
अघिल्लो साता न्युयोर्क पुगेका मिलनले नेपाली कार्यक्रम सकेलगत्तै न्युयार्कको सडकबाट नेपालमा पर्यटकको आवश्यकता भएको भन्दै नेपाल भ्रमणमा आउन आग्रह गरेका छन् । मिलनले नेपाली कलाकार बिदेशको कुनैपनि कार्यक्रममा जाँदा सोही ठाउँबाट नेपालमा पर्यटक भित्राउनका लागी सानो कदम चाल्नेहो भनेपनि नेपालका लागी ठुलो सहयोग मिल्ने बताए । “हामी धेरै देशमा कार्यक्रमका लागी जाने गछौं त्यसैसमयमा नेपालमा भएका बिशेषताहरु बताएर केहि बिदेश पर्यटकसामु नेपालको बारेमा बोलियो भने पनि पर्यटक बढ्न सक्छन”, मिलनले भने ।
गायक मिलन लामा यतिखेर अमेरीकाको न्यूयोर्कमा छन् । उनी फ्रेबुअरी २० मा ‘मुस्ताङ किदुग यु.एस’.ले आयोजना गरेको ‘ल्होसार साँझ-२०१६’ का लागी र फ्रेबअरी १३ मा ‘तामाङ सोसाइटी’ले गरेको कार्यक्रममा सहभागी हुन पुगेका थिए । मिलन भोली (सोमबार) नेपाल फर्कने छन् ।
