१७ चैत्र २०७२, बुधबार ०३:०१ 
चैत, काठमाडौं । अहिले युवापुस्ता माझ लोकप्रिय बनेका नेपाली अभिनेता अनमोल केसी आज (बुधबार) बाट २३ बर्ष पुगेका छन् । अभिनेता भुवन केसी र अभिनेत्री सुस्मिता बम्जनका अनमोल एक्ला छोरा हुन् । अनमोल साथी म तिम्रो फिल्ममा पहिलो पटक केमियो भूमिकामा देखिएका थिए । जसमा अभिनेता भुवन केसीले उनलाई इन्ट्रि गराएका थिए ।
पछिल्लो समय उनको फिल्म ड्रिम्सले अत्यधिक सफलता हात पारेसँगै अनमोलको क्रेज झन् बढेर आएको छ । अनमोलले ३ वर्ष अगाडी हेमराज बिसीको निर्देशनमा बनेको ‘होस्टल’बाट डेब्यू गरेका हुन् । डेब्यू फिल्मले पनि ठुलै सफलता हात पारेको थियो । त्यसपश्चात जेरी फिल्मले पनि राम्रै सफलता हात पार्न सफल भयो ।
उनको चौथो फिल्म ‘गाजलु’ जेठ १० मा रिलिज हुने तयारीमा रहेको छ।
