१७ चैत्र २०७२, बुधबार ०३:१६ 
चैत, काठमाडौं । युवापुस्ताका लोकप्रिय अभिनेता अनमोल केसीले अभिनय गरेको फिल्म ‘गाजलु’को फस्ट लुक बाहिरीएको छ । गाजलु युनिटले अनमोलको जन्मदिनको अवसर पारेर आज (बुधबार) फिल्मको फस्टलुक सार्वजनिक गरेको हो ।
रिलि भएको पोस्टरमा अनमोलका सोथमा पूर्व मिस नेपाल श्रृष्टि श्रेष्ठ फिचर भएकी छिन् । हेमराज बिसीले निर्देशन गरेको ‘गाजलु’लाई रोहित अधिकारीले निर्माण गरेका हुन् । फिल्ममा अनमोल र सृष्टीसँगै गौरव पहारी, सलोन बस्नेत, मेनका प्रधान र ऋतिक शाही लिड रोलमा छन् । फिल्ममा कालिप्रसाद बाँस्कोटा, हर्कुलस बस्नेत र जयन जीको संगीत छ ।
पछिल्लो समय अनमोलले अभिनय गरेका सबैजसो फिल्म अत्यधिक हिट भएका छन् । त्यसो त अनमोलले धेरै फिल्ममा अभिनय गरेका हुँदैनन् । अब गाजलुलाई युवाहरुले कत्तिको मन पराउँछन् त्यो भने हेर्न बाँकी छ । गाजलुलाई जेठ २१ गते रिलिज गर्ने तयारीमा निर्माण पक्ष रहेको छ।
