१८ चैत्र २०७२, बिहीबार ०८:१६ 
चैत, काठमाडौं । ‘अर्को जुनी कुन्नी’ बोलको यो गीत यतिखेर धेरैको मुखमुखमा सुनिन्छ । नायिका रेखा थापाको फिल्म ‘रामप्यारी’मा समावेश यस गीतले यतिखेर राम्रै चर्चा बटुलिरहेको छ । फिल्म चैत २६ गतेबाट प्रदर्शनमा आउँदैछ ।
बुधबार साँझ दरबारमार्ग स्थित अन्नपुर्ण होटलमा भएको एक कार्यक्रममा गायक राजेश पाएल राईको डार्लिङ रामप्यारी बनेकी छिन् । रामप्यारी फिल्मकी नायिका रेखाथापालाई जब गायक राजेशपाएलले डार्लिङ रेखा, मेरी डार्लिङ रामप्यारी भन्दै स्टेजमै बोलाए तब माहोल रमाइलो बन्यो । रामप्यारीमा समावेश अर्को जुनी कुन्नी बोलको गीतमा राजेशको साथमा रेखाले पनि साथ दिएकी थिइन् । जहाँ राजेशले बिचबिचमा रामप्यारीको प्रमोशन पनि गरेको देखिन्थ्यो ।
सो गितमा राजेशको साथमा रेखा थापाकै स्वर रहेको छ । गीतमा संगीत पनि रेखाले नै भरेकी छिन् । पछिल्लो समय रेखा गीत गाउनमा पनि खप्पिस देखिन्छन् । यसभन्दा अघि पनि रेखाले केहि गीतहरु गाइसकेकी छिन् ।
