१९ चैत्र २०७२, शुक्रबार ०६:२० 
चैत, काठमाडौं । ‘बाटो मुनिको फुल २’ को गीत पनि सार्वजनिक गरीएको छ । केहिबर्ष अघि प्रदर्शनमा आएको चर्चित फिल्म ‘बाटो मुनिको फुल’को सिक्वेलमा आएको ‘बाटो मुनिको फुल २’ को केहिदिन अघिमात्र ट्रेलर सार्वजनिक गरीएको थियो ।
ट्रेलरमा जातीय छुवाछुत प्रथाको कुरितीको बिषयलाई देखाइएको छ । ट्रेलरमा स्वर्गीय स्वर सम्राट नारायण गोपालले समेत अन्तरजातिय बिहे गरेको कुरालाई जोडीएको छ । सार्बजनिक गीतमा यशकुमार, बाबु बोगटी, दिलिप रायामाझी, ऋचा शर्मा र अशिष्मा नकर्मीलाई फिचरीङ गरिएको छ ।
आज राजधानीमा आयोजित कार्यक्रममा चलचित्र बिकास बोर्ड अध्यक्ष राजकुमार राई,निर्माता तथा कलाकार यशकुमार, कलाकारहरु बाबु बोगटी, ऋचा शर्मा लगायतको उपस्थिती देखिन्थ्यो ।
भिम न्यौपानले निर्माण गरेको चलचित्रलाई सुवर्ण थापाले निर्देशन गरेका हुन् । चलचित्र बैशाख १० गते प्रदर्शनमा आउँदै छ ।
