‘बर्दी’को टिजर सार्वजनिक

साउन, काठमाडौं । फिल्म ‘बर्दी’को टिजर सार्वजनिक गरीएको छ । सञ्चारकर्मी कुमार आचार्यले निर्माण गरेको फिल्म ‘बर्दी’मा समावेश गीत र अडियो पनि सँगै आईतबार सार्वजनिक गरीएको हो ।
फिल्म युनिटले बनेपामा एक कार्यक्रम गरी टिजर र गीत सार्वजनिक गरीएको हो । कार्यक्रममा फिल्म निर्माता छविराज ओझा, फिल्म वितरक गोपाल कायस्थ, नेपाल चलचित्र प्राविधिक संघका पूर्व अध्यक्ष मनोज केसी, अरनिको टेलिभिजनका एमडी शंकर अधिकारी लगायतको उपस्थिती रहेको थियो ।

–

कार्यक्रममा निर्माता आचार्यको जन्मदिन पनि मनाइएको थियो । संगीतकार विकास चौधरीले फिल्मको संगीतको बारे चर्चा गरेको कार्यक्रममा फिल्मको टिजर र दुई गीत सार्वजनिक गरिएको थियो । प्रवेश फिल्मस् प्रालिको व्यानरमा निर्माण भएको फिल्ममा विजयविक्रम बस्नेतको निर्देशन छ । फिल्ममा कुशल थापा, अनु शाह, विरेन डिसी, रुपा खनाल, भानुप्रताप, म्याण्डी बाबुलगायतका कलाकारको अभिनय रहेको छ ।