२९ श्रावण २०७३, शनिबार ०४:०४ 
साउन, काठमाडौं । मुम्बईमा यहि अगस्ट १४ र १५ मा हुने एक साँस्कृतिक कार्यक्रमका लागी गायिका तथा मोडल ज्योति मगर र गायक प्रकाश कटुवाल मुम्बई प्रस्थान गरेका छन् । ‘सुदुरपश्चिम साँस्कृतिक समुह’ले आयोजना गरेको ‘हाम्रो शान, हाम्रो पहिचान’ नामक साँस्कृतिक कार्यक्रममा नेपालका बिभिन्न करिब दर्जन बढी कलाकारहरुले आफ्नो प्रस्तुती दिँदै छन् ।
मुम्बईको घाटकोपुर र कल्याण शिवरोडमा अगस्ट १४ मा र मुम्बईको बाशी र दहिसरमा अगस्ट १५ गते बृहत साँस्कृतिक कार्यक्रम हुँदैछ ।
–
सोहि कार्यक्रमका लागी नेपालबाट दर्जन बढी कलाकार मुम्बई गएका हुन् । कार्यक्रममा नेपालबाट ज्योती र प्रकाशको साथमा गायिका तथा मोडल सिर्जु अधिकार, नायक तथा निर्देशक शिवन पोख्रेल, लोकपप् गायिका निशा लामा, देउडा गीत गायिका पवित्रा भण्डारी, नायिका सपना सिंह ठकुरी, गायक विवश बस्नेत, कमल भुषाल, बिजय अधिकारी, मोडल टिका जैसी, हाँस्य कलाकार गोबिन्द न्योपाने लगायतको प्रस्तुती रहनेछ ।
