१ भाद्र २०७३, बुधबार ०७:३३ 
भदौ, काठमाडौं । (Update News) निर्माता रोज राणालाई एक अज्ञात समुहले खुकुरी प्रहार गरेको थियो । उनको अहिले हातको अप्रेशन पछि ग्राण्डी अस्पतालमा उपचार भईरहेको छ । तिन जनाको समुहमा आएका अज्ञात व्यक्तिहरुले उनलाई टाउकोमा ताकेर खुकुरी हानेका थिए र रोजले हातले रोक्दा उनको हातमा गम्भिर चोट लागेको थियो ।
यसैबिच प्रहरीले रोजलाई खुकुरी हान्ने मध्ये २ जनालाई पक्राउ गरेको छ । महानगरीय अपराध महाशाखाका प्रवक्ता एसपी सहकुल थापाका अनुसार पक्राउ पर्नेमा भक्तपुर सिद्धपोखरीका विवेचन प्रजापति (मोटे) र सूर्य लामा (कटुन्जे) छन् । आक्रमणका मुख्य योजनाकार रत्नबहादुर लामा भने फरार रहेको प्रहरीले जनाएको छ ।
–
रत्नबहादर गुण्डा नाइके हुन् । रोज आफैं विगतमा विभिन्न कारोबार र गुण्डागर्दीमा संलग्न रहेका थिए । उनले पुरानो रिसिइबी साध्न रोजमाथि आक्रमणको योजना बनाएको प्रहरीले जनाएको छ ।
–
राणलाई मारे ३० लाख दिन्छु भनिएको थियो
प्रक्राउ परेका प्रजापतिले प्रहरी बयानमा राणामाथि आक्रमणका लागि लामाले भारतको सिलगुढीमा ८० हजार रुपैयाँ पेश्की दिएको बताएका छन् । आक्रमणमा राणाको मृत्यु भएमा ३० लाख दिने आश्वासन उनले दिएका थिए ।
