४ भाद्र २०७३, शनिबार ०१:०१ 
भदौ, काठमाडौं । ‘मन्दिर जलाउँछु’ बोलको एक मर्मस्पर्षि लोकगीत बजारमा आएको छ । गायक दिपेन्द्र रेग्मी र गायिका देवी घर्तिको स्वरमा रहेको यस गीतमा माया प्रेमका कुरा दर्शाइएको छ । प्रेमी प्रेमीकाले आफ्नो सम्बन्ध टुट्यो भने भगवानको मन्दिर नै जलाउने कथामा रहेको यस गीतको भिडियो सार्वजनिक गरीएको हो ।
यस गीतका गायक दिपेन्द्र रेग्मीको यो पहिलो कोसेली हो । बैदेशीक रोजगारीको शिलशिलामा प्रदेशमा पुगेका दिपेन्द्रले प्रदेशमै रहेर गीत रेकर्ड गराएका हुन् । नेपाल अनि नेपालको कला संस्कृतिलाई भुल्न नसकिने भन्दै आफुभित्र रहेको प्रतिभालाई आम दर्शक तथा स्रोत समक्ष पुर्याउने जमर्को गरेको उनले बताउँछन् । “मेरो पहिलो कोसेली हो आशा छ दर्शक तथा स्रोताले मन पराइदिनुहुनेछ”, दिपेन्द्रले आर्टिस्ट खबर डटकमसँग कुरा गर्दै भने ।
–
सार्वजनिक गीतमा लय शब्द पनि दिपेन्द्रकै रहेको छ भने परेली फिल्मस्द्धारा गीत बजारमा आएको छ ।
–
गीतको भिडियोलाई मिलन कार्कीले निर्देशन तथा सम्पादन गरेका हुन् भने सन्तोष ढकालले खिचेका हुन् । भिडियोमा देव, चन्दा, लक्ष्मण र चन्द्रको अभिनय रहेको छ ।
