६ कार्तिक २०७३, शनिबार ०४:५८ 
कात्तिक, नवलपरासी । नवलपरासीको बेलहानी ९ खयरसाल, अरुणखोलामा राष्ट्रियस्तरका चर्चितकलाकारहरुद्धारा भब्य कार्यक्रम सम्पन्न भएको छ । श्री जन जाग्रिती युवा क्लबद्धारा शुक्रबार आयोजना गरीएको सो सांस्कृतिक कार्यक्रममा राष्ट्रियस्तरका कलाकार हरु गायक पशुपति शर्मा , शिब परियार , दिपक खड्का , रमेशराज भट्टाराई , गायिका जानकी तारामी मगर र हाँस्य कलाकार निर आले मगरले भब्य प्रदर्शन दिएका थिए ।
गायक पशुपति शर्माले आफ्ना पछिल्लो समय चर्चामा रहेका गीतका साथै दशैं तिहारसँग सम्बन्धित गीत गाएर दर्शकलाई नँचाएका थिए भने शिब परियारले पनि दर्शकलाई खुबै नँचाएका थिए । त्यस्तै दिपक खड्का र रमेशराज भट्टराईले पनि दर्शकमाझ निकै माहोल तताएका थिए ।
साथै गायिका जानकी तारामी मगरले पनि आफ्नो मिठास स्वरको जादु देखाउँदा सबै दर्शक लठ्ठ भएर नाँचेका थिए । साथै कार्यक्रममा हाँस्य कलाकार निर आले मगरले पनि कमेडी नृत्यका साथमा बिभिन्न कमेडी टिप्सका साथ दर्शकलाई हँसाएका थिए ।
