२३ कार्तिक २०७३, मंगलवार ०१:५५ 
कार्तिक, काठमाडौं । कलाकार तथा निर्देशक दिपा श्री निरौलाले फेरी अर्को फिल्म निर्देशक गर्ने भएकी छिन् । चलचित्र ‘छक्का पञ्जा’ निर्देशन गरे सँगै चर्चामा आएकी दीपाश्रीले अब आउने उनको नयाँ फिल्म निर्देशन गर्न लागेकी हुन् । दिपा श्री को टिमले बनाउने चलचित्रको नाम के हुनेछ त्यो भने खुलाइएको छैन ।
चलचित्र छक्का पञ्जा अहिले पनि केहि हलहरुमा चलिरहेको छ । चलचित्र प्रदर्शन भएको ५९ दिन भइसक्दा पनि दर्शकको चाप नघटेकोले छक्का पञ्जा टिमले खुसी ब्यक्त गर्दै अब आउने चलचित्र पनि दर्शकले मन पराउने बनाइने बताएको छ । चलचित्रले अहिलेसम्म १५ करोड ग्रस कलेक्सन गरीसकेको छ ।
–
छक्का पञ्जा चलचित्रमा चर्चित हाँस्य कलाकारहरु तथा नायिकाहरु जीतु नेपाल, बुद्धि तामाङ, शिबहरि पौडेल, प्रियंका कार्की, वर्षा राउत, नम्रता सापकोटा लगायतले अभिनय गरेका छन् ।
