११ मंसिर २०७३, शनिबार ००:५२ 
मंसिर, काठमाडौं । चलचित्र ‘डायरी’को टिजर रिलिज भएको छ । नायिका रेखा थापा, छुल्ठिम गुरुङ र सन्नी सिंहको मुख्य भूमिका रहेको यस चलचित्रको मेकिंग उत्कृष्ट रहेको देखिन्छ ।
अन्य चलचित्रमा भन्दा यस चलचित्रमा रेखाको केहि फरक भुमिका देख्न सकिन्छ । चलचित्रको टिजरमा रेखालाई पूर्ण रुपमा खलपात्रको रुपमा देखाइएको छ ।
–
छुल्ठिम इन्टरटेनमेन्ट र एयर क्रु प्रोडक्सनले संयुक्त रुपमा निर्माण रहेको यस चलचित्रलाई ‘आवरण’ चलचित्र मार्फत निर्माताको रुपमा रजतपटमा प्रवेश गरेका अनिल योन्जनले निर्देशन गरेका छन् ।
–
चलचित्रमा दीनेश डीसी, विनोद पौडेल लगायतका कलाकारको पनि अभिनय छ । चलचित्रमा छेतेन गुरुङको कथा, शिवराम श्रेष्ठको छायांकन, प्रविन श्रेष्ठको सम्पादन छ । यो चलचित्र चैत्रमा रिलिज गर्ने तयारी निर्माणपक्षको छ ।
