१२ मंसिर २०७३, आईतवार ०२:१५ 
मंसिर, काठमाडौं । काठमाडौंको भृकुटिमण्डपमा ‘तेस्रो राष्ट्रिय मत्स्य महोत्सव तथा परिकार प्रतियोगीता’ जारी रहेको छ । यहि मंसिर ९ गतेदेखी शुरु भएर १३ गतेसम्म चल्ने सो पाँच दिने महोत्सवमा बिभिन्न राष्ट्रियकलाकारहरुले आफ्नो प्रस्तुती पनि दिएका छन् ।
यसैबिच मंसिर १२ गते शनिबारको दिन गायक पशुपति शर्मा र गायिका मुना थापा मगरले आफ्नो मज्जाको प्रस्तुती दिएका छन् । मुख्य आकर्षकको रुपमा रहेका पशुपति र मुनाले उपस्थित दर्शकलाई दोहोरी गीत गाएर अझ मनोरञ्जन दिएका थिए ।
कार्यक्रममा गायक पशुपति शर्माले गायिका मुना थापालाई दोहोरीबाट विवाह नभएको भन्दै स्टेजमै भएका अतिथिलाई मिलाइदिने भन्दै खुबै रमाइलो बनाएका थिए । साथै कार्यक्रमलाई सञ्चालन गरेका गायक दिपक खड्काको भजन प्रस्तुतीले पनि दर्शक खुबै रमाएका थिए ।
