१८ असार २०७२, शुक्रबार २१:११ 
असार, काठमाडौं । टेलिभिजन कार्यक्रममा उदाउँदै गरेको प्रोडक्सन हाउस फर सि नेटवर्कले जितु नेपाललाई नयाँ रुपमा सार्वजनिक गर्न लागेको छ । जितु नेपालसँगको सहकार्यमा नेटवर्कले कमेडी क्लब विथ जितु नेपाल टाईटलमा नयाँ टेलिभिजन कार्यक्रम तयार गर्न लागेको हो । एक घन्टा लामो मेघा कार्यक्रमको पहिलो सिजन १०० भागको हुने छ । दर्शक बड्दै गए र बजार फैलिदै गए यो श्रृंखलाका अरु भाग पनि थपिने छन् । फर सि नेटवर्क कार्यकारी अध्यक्ष तथा कार्यक्रमका निमार्ता निर्देशक दिपेन्द्र खनियाका अनुसार कमेडी क्लब विथ जितु नेपाल टेलिभिजन कार्यक्रम मात्रै होईन यो कार्यक्रमलाई हामी स्टेज प्रहसानका मार्फत् पहिलो चरणमा देश व्यापी लादैछौं ।
एक चरण देश भरि कमेडी क्लब विथ जितु नेपालको यात्रा सकिए पछि कमेडी क्लब विथ जितु नेपालको यो टोली बिदेश यात्रामा निस्कने छ । खनियाका अनुसार स्टेज कार्यक्रम र टेलिभिजन कार्यक्रमका बिषय सामाग्रि भने फरक फरक हुने छन् । साउन को तेस्रो हप्ताबाट प्रशारणको तयारी गरिरहेको कार्यमक्रम कमेडी क्लब विथ जितु नेपालको अहिले सेट निमार्ण तहमा छ । लेखन तथा कलाकार छनौटको प्रक्रिया पनि अन्तिम चरणमा पुगेको छ । रमाईलो कुरा के भने भारतिय टेलिभिजन च्यानल कर्लसको चर्चित कपिलको कमेडी कार्यक्रम बन्द भएको खबर बाहिर आउँदै गर्दा नेपालमा जितुले नयाँ र फरक नेपाली अर्गानिक स्वादमा हास्य व्यंग कार्यक्रम शुरु गर्दैछन् ।
देश दुनिया हँसाउन खप्पिस जितुलाई आर्टिस्ट खबरको तर्फबाट अग्रिम शुभकामना ।
