१ चैत्र २०७३, मंगलवार ०७:५२ 
<p><b>चैत,काठमाडौं।</b> सिर्जनात्मक विषयलाई व्यवसायिक रुपमा अगाडि बढाउने हेतुले सिर्जना कलेज अफ फाइन आर्टसले सोमबारदेखि ‘सिर्जना सङ्गम’ कार्यक्रम सञ्चालनमा ल्याएको छ । </p><p>त्रिभुवन विश्वविद्यालयबाट १५ वर्षअगाडि सम्बन्धन प्राप्त गरी चित्र, मूर्ति, सङ्गीत र नृत्य विषयको अध्यापन गराउँदै आएको यस कलेजले अब गुरु तथा शिष्यबीचमा अध्ययन र अध्यापनको मञ्चन गराउने भएको छ । सो कार्यक्रममार्फत गुरु तथा शिष्यले कक्षाकोठामा पढाएको विषयलाई दर्शकका सामु अभिनय गरी दक्षता प्रमाणित गर्नुपर्ने छ ।</p><p>कार्यक्रमको शुभारम्भ गर्दै विश्वविद्यालय अनुदान आयोगका सदस्य सचिव देवराज अधिकारीले यस्तो खालको कार्यक्रममले गुरु तथा शिष्य बिचको सम्बन्धलाई अझै सुमधुर बनाउने र विधार्थीले आर्जन गरेको शिक्षामा व्यवसायिकता ल्याउन सहयोग गर्ने जनाएका छन्। साथै उनले सो संस्थाको विकासका लागि आयोगले सहयोग गर्ने समेत जिकिर गरेका छन्। </p><p>कार्यक्रममा बोल्दै कलेजका अध्यक्ष वर्षगोपाल वैद्यले सङ्गीत,नृत्य,चित्रकला तथा मूर्ति विषयको विकासका लागि विद्यालय तहदेखिनै पहल गर्नुपर्नेमा जोड दिएका छन्। </p><div><br></div>
