२ श्रावण २०७२, शनिबार ०४:५६ 
साउन, काठमाडौं । कलाकार दिपक राज गिरी र दिपा श्री निरौलाको चलचित्र वडा नं ६ को गित र ट्रेलर रिलिज गरीएको छ । राजधानीमा शुक्रबार एक कार्यक्रम गरी बालियत लभ स्टोरी बोलको गित र छाटो ट्रेलर सार्वजनिक गरीएको हो ।
बिहान करिब १० बजे सुरु भएको उक्त कार्यक्रममा थुप्रै कलाकार देखि सञ्चारकर्मिहरुको उपस्थिति देखिन्थ्यो । कलाकार दिपकराज गिरीले कार्यक्रम रोचक शैलीमा उद्घोष गर्दै चलचित्रमा अभिनय गरेका कलाकारहरुको परिचय गराएका थिए । चलचित्रमा मुूख्य भुमिकामा देखिने प्राय कलाकारहरु निर्माता रहेका छन् । दयाहांग राई प्रियंका कार्की बाहेका कलाकारहरुको लगानी रहेको बताईएको थियो । कलाकारहरु दिपकराज गिरी , दिपा श्री निरौला, जितु नेपाल, केदार घिमिरे (माग्नेबुढो डककम), कुञ्जना घिमिरे, ताराचन्द्र बजगाई, सुमन गिरीले लगानी गरेका छन् । कार्यक्रममा पत्रकारहरुलाई एक फरक तरिकाको खेल पनि खेलाईएको थियो । जसमा ५ जना पत्रकारहरुलाई आठ जिबिको पेनड्राइभ र एक जनालाई मोबाईल उपहार प्रदान गरीएको थियो । चलचित्र असोज १ गतेबाट प्रदर्शनमा आउँदैछ ।
चलचित्रको रिलिज गितमा दिपक राज गिरी र प्रियंका कार्कीलाई देख्न सकिन्छ । गितको सुगम पोख्रेल र प्रिती कावरको स्वर रहेको छ । ट्रेलरमा हाँस्य कलाकारहरुको रमाईलोलाई प्रस्तुत गरीएको छ । छाटो ट्रेलर हेर्दा चलचित्र निकै हाँस्यप्रधान रहेको अनुमान लगाउन सकिन्छ । त्यसो त कलाकार दिपकराज गिरीले फिल्म हल भित्र बसेपछिको २ घण्टा १० मिनेटको समयमा एकछिन पनि नरमाईलो भन्ने नहुने र हाँसेई हाँसेई भईने बताएका थिए ।
चलचित्रको ट्रेलर यस्तो छ ।
चलचित्रको गित पनि हेरौं ।
