राजनिति गरौं कि नगरौं दुविधामा छुः राजेश हमाल

२७ चैत्र २०७३, आईतवार १४:२३

<pre>चैत, दाङ  ।</pre>दाङमा पुगेका अभिनेता राजेश हमालले राजनिति गर्नु भनेको विभाजनमा जानु भएको बताएका छन् ।  चलचित्र पत्रकार संघ दाङले तुलसीपुरमा आयोजना गरेको साक्षात्कार कार्यक्रममा बोल्दै उनले कला क्षेत्र सवैलाई जोडर्ने क्षेत्र भएको तर राजनिति भनेको विभाजन हुने क्षेत्र भएको बताएका हुन् ।‘म कलाकारीतामा लागेको २८ बर्ष भयो सधै कलाकारीतामा लाग्नपनि सकिन राजनिति गरुभने पनि अहिलेको विभाजीत राजनिति राम्रो लागेको छैन् म दुविधामा परेको छु', उनले भने । हमालको फिटनेश शरिरलाई केन्द्रित गर्दै तपाई अझैपनि बुढो नहुनुको कारण के हो भन्ने पत्रकारहरुको प्रश्नमा उनले आफु अझैपनि २५ बर्षकै भएको भन्दै हँसाएका थिए । साथै चलचित्र निर्माण हुने समयले त्यस समयको कालखण्ड, भोगाई, सोचाई, परिस्थितिको चित्रण गर्ने हुँदा सामाजिक र राजतीतिक परिवर्तन संगै चलचित्रका विषय बस्तुपनि परिवर्तन हुुनु सामान्य कुरा भएको बताए । हमालले चलचित्र नयाँ प्रविधि सँगै परिस्कृत र परिमार्जित हुँदै जाने हुँदा त्यही अनुरुप फड्को मार्ने बताए । आँफुले चलचित्र सुरु गर्दा तत्कालिन राजनीतिक, सामाजिक परिस्थिति फरक रहेको जानकारी दिँदै उनले त्यो कालखण्डको प्रतिनिधित्व आफ्ना सुरुवाति चलचलित्रले गर्ने बताए । आँफुले जहिले पनि थिचो मिचोमा परेका, गरिव, दुःखी आक्रोसले भरिएका युवाको भावना व्यक्त गर्ने पात्रको प्रतिनिधित्व गर्दैै अभिनय गरेको उनको धारणा थियो । चलचित्र निर्देशकको सृजना र सन्तान भएकोले अब आँफुपनि निर्देशक वन्न चाहेको उनले इच्छा व्यक्त गरेका थिए ।