१ कार्तिक २०७४, बुधबार ०६:२३ 
<pre>कात्तिक, काठमाडौं। </pre><p> दक्षिण कोरियाको सउल शहरमा २० देखी २४ अक्टुबरसम्म आयोजना हुने अन्तर्राष्ट्रिय मोडलिङ अवार्ड ‘लक्जरी ब्राण्ड मोडल अवार्ड’ अन्तर्गत रहेको ‘ब्राइडल अवार्ड २०१७’मा नेपालको प्रतिनिधित्व सिम्रन खड्काले गर्ने भएकी छन् । कोटेस्वरकी २० बर्षिया खड्कालाई नेक्स्ट मोडल्स नेपालले उक्त अवार्डमा पठाउन लागेको हो । </p><p>नेपालीका लागि अन्तराष्ट्रिय मोडलिङ अवार्डको ढोका खोल्न सिम्रन सफल भएको बताउँदै नेक्स्ट मोडल्सका अध्यक्ष रबि धमलाले टाइटल समेत उनले नेपाल भित्र्याउने बिस्वास आफुलाई रहेको बताए । यो अवार्डमा २५ देशका ४५ उत्कृष्ट मोडलहरुको सहभागीता रहनेछ । सिम्रन केही महिना पहिले राजधानीमा आयोजित ‘मोडल हन्ट नेपाल २०१७’ की फष्ट रनर अप विजेता हुन् ।</p><p>बिभिन्न देशको कलासंस्कृती, भेषभुषा प्रदर्शन गर्ने उदेश्यले आयोजना हँुदै आएको अवार्डमा खड्काले डिजाइनर रेखा मोदी मित्रुकाले तयार पारेका नेपाली कलासंस्कृती झल्कने, मौलीक र राष्ट्रिय पहिरन सहित प्रस्तुति दिनेछिन् । देशको कलासंस्कृती अन्तराष्ट्रिय स्तरमा पुर्याउन र अन्तराष्ट्रिय मोडलिङ अवार्ड स्वदेश भित्र्याउन आफु सहभागी हुन लागेको खड्काले बताइन् ।</p><p><br></p><p><br></p>
