६ भाद्र २०७२, आईतवार ०४:२९ 
भदौ, काठमाडौं । ललितपुरको एक पार्टी प्यालेसमा नेपालका चर्चित नायिकाहरुका साथमा शनिबार एक बिशेष कार्यक्रम भयो । सधैं पर्दामा देखिरहने चर्चित नायिकाहरु सम्मानित हुँदै थिए । कार्यक्रम हो तिज माईती मेला । चर्चित नायिकाहरुको उपस्थितीमा बिभिन्न क्षेत्रमा योगदान पुर्याउने महिलाहरुलाई शनिबार ललित ब्यूटिसियन सहकारी संस्थाले सम्मान गरेको हो ।
कार्यक्रममा नायिका रेखा थापा, प्रियंका कार्की, नम्रता श्रेष्ठलाई सम्मानित गरियो । यि नायिकाहरुलाई साथमा सम्मानपत्र, दोसल्ला र फूलमालाका साथ सम्मान गरिएको थियो । साथमा सामाजिक कार्यमा अग्रसर भएको भन्दै हाँस्य कलाकार सिताराम कट्टेल र कुञ्जना घिमिरेलाई पनि सम्मान गरियो ।
कार्यक्रममा गायिका जुनु रिजाल पनि कार्यक्रममा सम्मानित भइन् । आपूर्ती मन्त्री सुनिल बहादुर थापा, गायिका कोमल वलीले सम्मान प्राप्त गर्ने महिलाहरुलाई सम्मानित गरेका थिए । कार्यक्रममा कलाकार रोमा न्यौपानेको पहिलो नृत्यले नै निकै रमाईलो भएको थियो । एक खुट्टाले नाच्न सक्ने बहुप्रतिभाशाली कलाकार रोमाले नाच्दा सबै कलाकारहरु मनोरञ्जन लिएका थिए । साथमा गायक किरण केसीले पनि गित गाएर रमाईलो गरेका थिए ।
साथै अर्को रोचक प्रसंग नायिका रेखा थापालाई सम्मान गर्न बोलाएर सरप्राईजमा सम्मानका साथमा कार्यक्रममै उनको जन्मदिनको केक पनि काटियो । रेखाले शनिबार आफ्नो ३२ औं जन्मदिन मनाएकी हुन् ।
