एकअर्कामा अधुरा निखिल–सारा (भिडियो)

<pre style="text-align: justify; "><b>कार्तिक, काठमाडौं । </b></pre><p style="text-align: justify; ">एक्सन स्टार निखिल उप्रेती अभिनित चलचित्र ‘पिंजडा व्याक अगेन’ को दोस्रो गीत सार्वजनिक गरिएको छ । सार्वजनिक रोमान्टिक ‘तिमी नि आधा, म पनि आधा’ बोलको गीतमा अभिनेता निखिल र अभिनेत्री सारा सिर्पालीको नृत्य देख्न सकिन्छ ।&nbsp;<br></p><p style="text-align: justify; ">आईतबार राजधानीको एक चलचित्र हलमा एक कार्यक्रम गर्दै सार्वजनिक गरिएको उक्त गीतमा मुक्त उदासको शब्द र संगीतकार अर्जुन पोखरेलको संगीत रहेको छ भने गीतलाई संगीतकार अर्जुन र अन्जु पन्तले गाएका छन् । भिडियोमा निखिल र साराले आफुहरु एकअर्का बिना अधुरो हुने भन्दै छमछमी नाँचेका छन् । भिडियोमा रामजी लामिछानेको कोरियोग्राफी रहेको छ ।</p><p style="text-align: justify; ">चलचित्रको कथा मौनता श्रेष्ठले लेखेका हुन् । चलचित्रमा निखिल र साराका अलावा सुस्मिता केसी, पुकार भट्टराई, ज्याक श्रेष्ठ लगायतका कलाकारहरुको अभिनय रहेको छ । चलचित्रलाई ओम शाही भक्त मुभिज र ओम साइ मौलाकालिका पिक्चर्सले संयुक्त रुपमा निर्माण गरेको हो । सुशान्त श्रेष्ठ र बसन्त शर्मा कार्यकारी निर्माता रहेको चलचित्रका प्रस्तुतकर्ता श्रीराम बराल हुन् । सौरभ लामाले खिचेको चलचित्रमा रोहित पुरी, गोविन्द गैरे र चन्द्र बहादुर क्षेत्रीको लगानी छ । चलचित्रलाई हिमाल केसीले निर्देशन गरेका हुन् ।</p><p style="text-align: justify; ">अभिनेता निखिलले आजभन्दा झण्डै १८ बर्ष अघि चलचित्रमा डेब्यु गरेको नाम हो ‘पिंजडा’ । यहि चलचित्रबाट यात्रा शुरु भएसँगै उनी चलचित्रक्षेत्रमा एक्सन नायकका रुपमा चिनिदै आएका छन् । अहिले त्यहि चलचित्रको नामलाई सापटी लिएर चलचित्र ‘पिंजडा ब्याक अगेन’ राखिएको हो ।&nbsp;</p><p style="text-align: justify; ">कार्यक्रममा बोल्दै अभिनेता निखिलले यो भन्दा पहिला जसरी दर्शकबाट माया पाएका थिए त्यसरीनै दर्शकले माया गर्ने अपेक्षा राखे । ‘मलाई आजको दिनसम्म जरी दर्शकको माया गरिदिनुभएको छ । मेरो काम मन पराइदिनुभएको छ त्यसरी नै यो चलचित्रलाई पनि माया गरिदिनुहुनेछ अपेक्षा गरेको छु&nbsp; ।’ निखिलले भने । साथै चलचित्रकि नायिका साराले पनि निखिलसँगको दोस्रो चलचित्रको रुपमा ‘पिंजडा ब्याक अगेन’मा काम गर्न पाउँदा निकै खुसी लागेको र धेरै कुरा सिक्ने मौका पाएको पनि बताइन् । ‘मैले म भन्दा धेरै अग्रज कलाकारहरुसँग काम गर्न पाएँ त्यो नै मेरो लागी धेरै ठुलो कुरा हो ।’, साराले भनिन् । चलचित्र आउदो माघ ४ गतेबाट देशब्यापी प्रदर्शनमा आउँदैछ ।<br><pre>Video:

</pre></p><p style="text-align: justify; ">&nbsp;</p>