७ भाद्र २०७२, सोमबार ०३:५२ 
भदौ, काठमाडौं । हाँस्य कलाकार दिपा श्री निरौलाले आज (भदौ ७) मा आफ्नो जन्मदिन मनाएकी छिन् । बिराटनगरमा जन्मिएकी दिपाले चालिस वटा बर्षलाई बिदा गरीसकेकि छिन् । उमेरले चालिस काटेकि दिपा अहिले पनि भर्खरकी देखिन्छिन् । कलाकारिता क्षेत्रमा प्रवेश गरेको तेईस बर्ष कटि सकेको छ । कला क्षेत्रको यो दौरानमा उनले काठमाडौंलाई कर्मथलो बनाईसकेकि छिन् । दर्शकलाई हसाएरै दिपाले काठमाडौंमा घर र कार किनिसकेकि छिन् ।
टेलिभिजनको पर्दामा तितोसत्यबाट दशर्कसामु दिपा श्री भनेर चिनिएकी उनले आज सम्म आउँदा थुप्रै देशबिदेश घुमिसकेकी छिन् । पर्दामा दिपकराज गिरी सँगको जोडि उनलाई कतिले रिएल जोडि पनि ठान्दछन् । तितो सत्यमा प्रवेश गर्दा तन्नेरी दिपा आज सम्म पनि आउँदा उस्तै देखिने भएकाले धेरैले उनको सौन्दर्यताको तारिफ पनि गर्दछन् ।
आफ्नो जन्मदिनको अवसरमा आर्टिस्ट खबरसँग कुरा गर्दै दिपाले यो बर्ष आफ्नो चलचित्र वडा नं. ६ कै प्रमोसनमा व्यस्त भएकोले साथीभाईहरु सँग बसेर आफ्नो जन्मदिन मनाउन नपाएको बताएकी छिन् । “दर्शककै मायाले आज यहाँ सम्म आएँ र टेलिश्रृयलमा धेरै माया गरीदिनुभएका दर्शकले हाम्रो चलचित्रलाई पनि उत्तिकै माया गरीदिनुभएको छ । आगामि दिनमा पनि यसरीनै मायाको अपेक्षा गरेकी छु”, हेटौंडा रहेकी दिपाले हामीसँग टेलिफोनमा कुरा गर्दै भनिन् ।
चलचित्र वडा नंं ६ को टिम सँगै प्रमोशनमा हिडेकी कलाकार दिपा श्रीले पोखरा, दमौली हेटौंडा हुँदै आज काठमाडौं आउँने बताईन् ।
दिपालाई आर्टिस्ट खबरको तर्फबाट जन्मदिनको शुभकामना ।
