१० मंसिर २०७४, आईतवार ०५:५७ 
<pre><b>मंसिर, काठमाडौं।</b></pre><p>दोस्रो सातामा प्रदर्शन भईरहेको चलचित्र ‘झ्यानाकुटी’ को प्रचारप्रसारको शैली ‘फोटो कन्टेस्ट’को विनरले नगद रु ५१ हजार पाएका छन् । ट्रेलर रिलिज गर्दा नै घोषणा गरिएको ‘झ्यानाकुटी फोटो कन्टेस्ट’मा आफ्नो जोडीलाई बोकेर फेसबुकमा अपलोड गर्नुपर्ने थियो । यसैक्रममा सयौं त्यस्ता तस्बिरबाट क्रिष्टिना अधिकारी र सजन ढकालको जोडी छनोट भएको छ । </p><p>नोभेम्बर ४ मा क्रिष्टिनाले फेसबुकमा सजनलाई बोकेको तस्वीर पोष्ट गरेकी थिइन् । उनको तस्वीरमा बाह्र सय भन्दा बढी लाइक प्राप्त भएको थियो भने ‘झ्यानाकुटी फोटो कन्टेस्ट’ का लागि राखिएको सम्पूर्ण शर्त पुरा भएको निर्माण टीमले जनाएको छ । समारोहमा चलचित्रका नायक सौगात मल्ल, नायिका बेनिशा हमाल , निर्देशक सिमोश सुनुवार र लेखक प्रदीप भारद्वाज र चन्दन शाहले चेक हस्तान्तर गरेका थिए । पुरस्कार ग्रहण गर्दै क्रिष्टिनाले भनिन्– ‘ हामीले निशाजीको फेसबुक मार्फत यसको जानकारी पाएका थियौ । त्यसपछी क्लिक गर्ने आइडिया आयो , त्यसपछी श्रीमानलाई मनाएर क्लिक गरेको हु । सुरुमा कस्तो कस्तो लागेको थियो तर फेसबुकमा अपलोड गरिसकेपछी आएको कमेन्टसले पनि खुसि नै बनायो ।’, त्यस्तै चलचित्रका नायक सौगात मल्लले चलचित्र हेरेका दर्शकबाट राम्रो प्रतिक्रिया आएको बताएका थिए । चलचित्र झ्याकुटी टीमले प्रिती चाउचाउसंगको सहकार्यमा यस्तो ल्याइएको ‘फोटो कन्टेस्ट’को योजना ल्याएको थियो । </p><p><font color="#f7c6ce">यो समाचार हिमालयन </font><span style="color: rgb(247, 198, 206);">राष्ट्रिय </span><span style="color: rgb(247, 198, 206);">दैनिकमा प्रकाशित छ। </span></p>
