१२ लाख सम्म पर्छ एउटै नेपाली आर्टलाई

<pre><b>गोपिकृष्ण चापागाईं/ मंसिर, काठमाडौं ।</b></pre><p> नेपालमा आर्ट गर्नै ब्यक्तिहरुमा हातले गन्दा अग्रपंक्तिमै आउने नाम हो हरि प्रसाद शर्मा । आजभन्दा ६ दशक अघिदेखी नै आर्टमा काम गर्दै आएका शर्माले नेपाली परिवेशका सयौं आर्टहरु बिदेशमा पनि बिक्री गरिसकेका छन् । बिशेषतः बिदेशी पर्यटकहरुले उनका आर्ट खरिद गर्ने गर्छन् । नेपालको इतिहासलाई आर्टमा उतार्ने कला भएका उनले आफुले बनाएका आर्टहरु एउटैलाई १२ लाखसम्ममा बिक्री गरेका छन् ।&nbsp;<br></p><p>यसैबिच राजधानीको आर्ट काउन्सिलमा १ डिसेम्बरबाट १० डिसेम्बरसम्म (१० दिन) सम्म चलेको ‘नेचर अन¥यापिङ’ नाम दिइएको आर्ट प्रदर्शनमा पनि उनका आर्ट हेर्न पाइनेछ । जम्मा १२ कलाकारहरुको आर्ट प्रदर्शनमा उनको आर्टलाई बिशेष रुपमा राखिएको छ । शर्माका दुईवटा आर्ट जसमा नेपालको इतिहासलाई समेटिएको छ । उनले बि.स. २०५७ सालमा बनाएका दुईवटा आर्ट उक्त प्रदर्शनीको बिशेष आर्ट हो । ति दुई आर्टको मुल्य ८ लाख र १२ लाख छ । जुन आर्टलाई तस्बिर खिच्नसमेत अनुमति दिइएको छैन । आज अन्तिमदिनको प्रदर्शनीसम्म आइपुग्दा पाँच हजार भन्दा बढीले आर्ट प्रदर्शनीको अवलोकन गरिसकेको बताइएको छ ।&nbsp;</p><p><img src="http://artistkhabar.com/uploads/posts/a0f27bf300aab9fade6e04303e5805e81512895665.jpg" style="width: 1024px;"></p><p style="text-align: center; "><i><font color="#9c9c94">चित्रकार सुनिल बाबु कार्की ‘पुटु’ आफुँले बनाएका आर्टसँगै</font></i></p><p><br></p><p>यस आर्ट प्रदर्शनीमा शर्मा सहित आर्पिता शाक्य, बिजय कोइराला, बिजय महर्जन, निरज चित्रकार, पल्पसा मानन्धर, प्रबिन श्रेष्ठ, राजन पन्त, सरोज बज्राचार्य, सुनिल बाबु कार्की ‘पुटु’, यु.आर. रिमाल, न्गावाङ छिरिङ शेर्पा र एक बेल्जियम इजाबेली मालोट्क्स गरि जम्मा १२ जनाको ६८ वटा आर्ट प्रदर्शनमा राखिएको छ । एकजनाको बढीमा ८ वटा आर्ट राखिएको छ ।&nbsp;</p><p>बिशेषगरी मानव जीवनलाई गहिराईसम्म पुगेर आर्टमा प्रस्तुत गर्ने सुनिल बाबु कार्की ‘पुटु’ले बनाएका ८ वटा आर्टमा पनि मानव जीवनको गहिराई भेटिन्छ । बिगत १० बर्षदेखी यसैक्षेत्रमा लागेका पुटु पाँचबर्ष देखी ब्यवसायिक भएको बताउँछन् । उनले आफुले बनाएका आर्टलाई ४० हजार नेपाली रुपैंया सम्ममा बिक्री गर्छन् । ‘म मानव जीवनको गहिराईमा डुबेर आर्ट गर्न मन पराउँछु । यहाँ पनि त्यस्तै प्रकृतिका आर्ट भेट्नुहुन्छ ।’, पुटुले भने । यहि आर्ट गर्छु भनेर कसरी सोच्नु हुन्छ भन्ने हिमालय टाइम्सको प्रश्नमा उनी भन्छन्, ‘पहिला मैले तस्बिर खिच्ने गर्छु र त्यसैलाई आर्टमा ढाल्नेगर्छु ।’ उनले एउटै आर्ट बनाउन एक साता देखी डेढ महिनासम्म लाग्ने गरेको बताए ।</p><p><br></p><p><i><font color="#cec6ce">- आजको हिमालय टाइम्स राष्ट्रिय दैनिकमा प्रकाशित छ ।</font></i></p><div><br></div>