धमलाको ‘पौरख’ सार्वजनिक

<pre style="text-align: justify; "><b>पुस, काठमाडौं । </b></pre><p style="text-align: justify; ">इटहरीलाई कर्मथलो बनाएका पत्रकार चेतन धमलाद्धारा लिखित पुस्तक ‘पौरख’ सार्वजनिक गरिएको छ । पुस्तक शनिबार अर्थमन्त्री ज्ञानेन्द्र बहादुर कार्कीले विमोचन गरेका हुन् । पुस्तकमा तल्लोस्तरबाट काम गर्दै राष्ट्रिय जीवनमा योगदान पुर्याएका पौरखीहरुको संघर्ष र सफलताको कथा समेटिएको छ ।<br></p><p style="text-align: justify; ">अर्थमन्त्री कार्कीले संघर्षशील र सफल व्यक्तिहरुको पर्दा पछाडीको रहस्य अन्य व्यक्तीका लागि प्रेरणाको स्रोत हुने बताए । उनले हरेक युवाले पौरखी पुस्तक पढेमा केही न केही गर्ने क्षमता, उर्जा र अठोट बढाउने बताए । ‘पुस्तकमा समावेश सबैका स्टोरीले मुलुकभित्रै केहि गर्ने प्रेरणा मिल्छ’, उनले भने, ‘गरिरहेका र गर्न खोज्ने युवाका लागि यो एउटा क्याप्सुल हो ।’</p><p style="text-align: justify; ">कार्यक्रममा पूर्वमुख्यसचिव विमल कोइराला, सूचना आयुक्त किरण पोखरेल, पत्रकार महासंघका पूर्वअध्यक्ष सुरेश आचार्यलगायतले पुस्तकमाथि टिप्पणी गर्दै सफल व्यक्तिहरुको कथा भावी पिढींका लागि मार्गदर्शक हुने विश्वास व्यक्त गरे । किताबबारे पत्रकार तथा कवि डा. नवराज लम्सालले कर्मजीविको कथाले निराशामा रहेका युवालाइ उर्जा प्रदान गर्ने बताए ।</p><div style="text-align: justify; "><br></div>