रुचाइयो ‘शत्रु गते’ ट्रेलर, अझै युट्युव ट्रेडिंग १ मै

<pre style="text-align: justify; "><b>फागुन, काठमाडौं । </b></pre><p style="text-align: justify; ">नेपाली चलचित्रका गीतसंगीत तथा ट्रेलरको मापन यन्त्र पछिल्लो समय भिडियो सेयरिङ साइट युट्युव बन्न थालेको छ । अपलोड गरिएको छोटो समयमै नेपाली ट्रेडिंगमा आयो भने त्यसलाई बढी मनपराइएको श्रेठीमा राख्ने गरिन्छ ।&nbsp; ट्रेडिंगको टप ५ भित्र परेका युट्युवका अधिकांश भिडियोहरु सबैजसो युट्युव प्रयोगकर्ताले एकपटक हेरेका हुन्छन् त्यसैले पनि लोकप्रियताको मापन गर्न सहज भएको पाइन्छ । यसैबिच पछिल्लो समय नेपाली चलचित्रका गीतसंगीतहरु ट्रेडिंगमा पार्नकै लागी युट्युवमा ‘बुस्ट’ गर्नेक्रम बढ्दो देखिन्छ ।&nbsp;<br></p><p style="text-align: justify; ">यसका साथै दुईदि अघिमात्र युट्युव मार्फत सार्वजनिक गरिएको चलचित्र ‘शत्रु गते’को ट्रेलर पनि शनिबारसम्म युट्युवको शिर्षस्थानमै बसिरहेको छ । अपलोड गरेको २४ घण्टा&nbsp; नबित्दै ट्रेलर पहिलो ट्रेडिंग नम्बर १ मा आएको थियो । शनिबार साँझसम्म ट्रेलरलाई युट्युवमा ५ लाख बढी पटक हेरिसकिएको छ । कमेडी जनरामा निर्माण भएको यो चलचित्रमा ‘सेन्टिमेन्टल’का दृश्यहरु पनि रुचाइएको छ । ट्रेलरको प्रतिक्रिया हेर्नेहो भने अधिकांशले कमेडी पाटो मन पराएका छन् ।</p><p style="text-align: justify; ">शुक्रवार दिउँसो राजधानीमा एक कार्यक्रमका बीच चलचित्रको ट्रेलर सार्वजनिक गरिएको हो । चलचित्रका केहि कलाकार तथा निर्माताहरुका बिच सार्वजनिक गरिउको&nbsp; ट्रेलरमा चलचित्रका अधिकांश कलाकार समावेश छन्&nbsp; ।&nbsp;&nbsp;</p><p style="text-align: justify; ">प्रदीप भट्टराईको निर्देशन रहेको चलचित्रको ‘रुपै मोहनी’ र ‘पिरतीको बर्को’ गीत रिलिज भइसकेका छन् भने युट्युवमा यी दुबै गीत निकै हिट पनि भइसकेका छन् । ‘रुपै मोहनी’ गीतलाई एक करोड भन्दाबढी पटक हेरिसकिएको छ । चलचित्रमा अभिनेता पल शाहले पहाडिया युवक र अभिनेत्री आँचल शर्माले मधेसी युवतीको भूमिका निर्वाह गरेका छन् । पल र आँचलको विवाहमा बाधक बन्ने अरु पात्रहरुको वरिपरि चलचित्र घुमेको छ । पहिलो पटक अभिनेत्री प्रियंका कार्की प्रहरी इन्स्पेक्टरको भूमिकामा देखिँदैछिन् । अभिनेता दीपकराज गिरीसँग उनको जोडी बाँधिएको छ । यस्तै, हास्यकलाकार हरिवंश आचार्यको श्रीमतीको भूमिकामा हास्यकलाकार तथा निर्देशक दीपाश्री निरौला प्रस्तुत छिन् । छोराको भूमिकामा पल छन् । ट्रेलरमा बरिष्ठ हास्यकलाकार मदनकृष्ण श्रेष्ठलाई केही युवतीहरुसँग रोमान्टिक मूडमा देख्न सकिन्छ ।&nbsp;</p><p style="text-align: justify; ">‘शत्रु गते’ मा राजाराम पौडेल, शिवहरी पौडेल, किरण केसी, बसुन्धरा भुषाल, सुष्मा कार्की, रमेश रञ्जन झा लगायतका कलाकारको पनि प्रमुख भूमिका छ ।&nbsp; तराई र काठमाण्डौमा छायांकन गरिएको यो चलचित्र मह सञ्चारको प्रस्तुती र किरण केसीको निर्माणमा बनेको हो । चलचित्रमा हरिवंश आचार्यको कथा, दीपकराज गिरी र प्रदीप भट्टराईको पटकथा, हरिवंश आचार्य र प्रदीप भट्टराईको संवाद छ ।&nbsp; चलचित्र यहि बर्षको चैत ९ गतेबाट प्रदर्शनमा आउँदैछ ।&nbsp;</p><pre style="text-align: justify; "><b>Trailer:
</b><iframe frameborder="0" src="//www.youtube.com/embed/tdsj7V98MRQ" width="640" height="360" class="note-video-clip"></iframe><b>
</b></pre><div style="text-align: justify; "><br></div>