‘डिठ्ठा साब’ की म्याउचीको चर्चा

२१ जेष्ठ २०७५, सोमबार ०२:३१

<pre style="text-align: justify; ">जेठ, काठमाडौं ।</pre> कान्तिपुर टेलिभिजनबाट हरेक शनिबार राति प्रसारण हुने टेलिशृंखला ‘डिठ्ठा साब’ की छुच्ची बुढी अर्थात् म्याउचीको भूमिका पछिल्लो समय दर्शकमाझ लोकप्रिय बन्दै गएको छ । टेलिशृंखलामा उनले बोल्ने शैली र अभिनयका कारण मन जित्दै गएकी छन् । करिब ६८ हप्ताअघि अर्थात् डेढ वर्षअघि उनले पहिलोपटक क्यामरामा फेस गरेकी थिइन् । जुनबेला उनी त्यही म्याउचीकै भूमिकामा थिइन् । अहिले फेरि त्यही भूमिकामा दर्शकसामु आइरहेकी छन् । समसामयिक विषय वस्तुमा आधारित रहेर निर्माण भइरहेको ‘डिठ्ठा साब’मा किशोर भण्डारी, रेश्मा तिमल्सिना, यशोदा तिमल्सिनालगायत कलाकारको अभिनय देख्न पाइन्छ ।जुन बेला उनी एक राष्ट्रिय दैनिकमा काम गर्दै थिइन् त्यो बेला उनकै दिदी रेश्मा तिमल्सिना ‘डिठ्ठा साब’मा सशक्त भूमिकामा थिइन् । त्यहीबेला यशोदाले घरमै दिदीको छोरासँग जिस्किँदै छुच्ची आमाको अभिनय गर्दै थिइन् । त्यसरी केटाकेटीसँग जिस्क्याउँदै गरेको भिडियो रेश्माले सुटुक्क खिचेकी रहिछन् । त्यो भिडियो ‘डिठ्ठा साब’को हातमा पुग्यो । अनि यशोदाको टेलिशृंखलातर्फ बाटो मोडियो । <img src="http://artistkhabar.com/uploads/posts/50ebddb76856f741a1f42bf9259d81141528079484.jpg" style="width: 1024px;"> उनको त्यो क्यारिकेचरले ‘डिठ्ठा साब’ अर्थात् किशोर भण्डारीको मन छोयो । अनी उनी ‘डिठ्ठा साब’मा अनुबन्धित भइन् । जुनबेला उनले क्यामराको अघि परेकै थिइनन् । न त कुनै प्रशिक्षण नै लिएकी थिइन् । ‘सुरुमा त निक्कै डर लाग्यो नि ∕’, उनले भनिन्, ‘किशोर भण्डारी र रेश्मा दिदीले निरन्तर प्रेरणा दिइरहेका कारण पछि त सामान्य नै लाग्न थाल्यो ।’डराइडराई क्यामरासामु परेकी यसोदाका लागि अभिनय सामान्य बन्न थालिसकेको छ । अहिले उनी विना टेक ५÷६ मिनेटसम्मको सिन दिन सक्छिन् । उनी त्यसको प्रेरणा ‘डिठ्ठा साब’ र रेश्मालाई दिन्छिन् । उनलाई बेलाबखत अन्य टेलिशृंखलाहरूमा पनि अभिनयको अफर आउँछन् । तर अहिलेसम्म उनी ‘डिठ्ठा साब’मा मात्रै देखिएकी छन् । उनको भोलिको लक्ष्य के हो, भन्न सकिन्न । तर, अहिलेसम्म उनी छोटो समयमै अभिनयको दुनियामा सफल बनेकी छन् । ‘मलाई अहिलेसम्म ‘डिठ्ठा साब’ ले चिनाएको छ’ उनले भनिन्, ‘भोलि जे भए पनि म यही दुनियाँमा रमाउन सक्छु भन्ने छ ।’ समाचार हिमालय टाइम्स राष्ट्रिय दैनिकमा प्रकाशित छ ।