चलचित्र ‘कायरा’मा साम्राज्ञीको पारिश्रमिक कति ?

११ असार २०७५, सोमबार ०३:३८

<pre>असार, काठमाडौ । </pre>केही समयअघि अभिनेता आर्यन सिग्देलको नेपाली चलचित्र क्षेत्रमा निकै चर्चा र अभिनयका लागि माग हुने गर्थो । तर पछिल्लो समयदेखि भने उनको नाम कमै मात्र सुनिने गरेको पाईन्छ । अब आर्यन आफ्नै होम प्रोडक्सन हाउस 'आर्यन सिग्देल' ईन्टरटेन्मेन्बाट निर्माण हने चलचित्रमा मात्र काम गर्ने बताएका छन् । हाल अहिले आर्यन आफ्नो खातामा एक हिट चलचित्रको नाम लेख्न आतुर देखिन्छन् । उनले नयाँ प्रोजेक्टमा अहिलेकी हट अभिनेत्री साम्राज्ञी राज्यलक्ष्मी शाहसँग जोडी बाँध्ने भएका छन् । आर्यन चलचित्र  ‘कायरा’मा अहिलेकी हट अभिनेत्री साम्राज्ञी राज्यलक्ष्मी शाहको साथमा स्क्रीन सेयर गर्ने भएका छन् । आइतबार यही प्रतिक्षित चलचित्रको ट्रेलर लञ्च गरियो । आर्यन यो चलचित्रका अभिनेता मात्र नभएर निर्माता पनि हुन् । चलचित्र लक्ष्मण रिजालले निर्देशन गरेका हुन् । साम्राज्ञीले अभिनय गर्ने चलचित्रमा नयाँ अभिनेता देखिने गरिन्थियो तर अहिले भने पुरानो अनुभबी अभिनेतासँग अभिनय गर्ने मौका पाएकी छिन् । उनले चलचित्रको कथाबस्तु निकै मनपराएकी छिन् र पारिश्रमिक पनि राम्रै लिएकी छिन् । बताइए अनुसार उनले चलचित्र 'कायरा'का लागि ७ देखि १० लाख लिएकी छिन् । पछिल्लो समय प्रर्दशनमा आएको चलचित्र ‘तिमीसँग’ले खासै सफलता हासिल गर्न सकेन । त्यसकारण साम्राज्ञीको लागि आर्यनको साथमा चलचित्र कायराको एकदम महत्वपुर्ण रहेको छ । साम्राज्ञीले यसचलचित्र पछि प्रदिप खड्काको साथमा चलचित्र भैरवीका काम गर्दैछिन् ।