२४ आश्विन २०७५, बुधबार ०५:०५ 
<pre style="line-height: 1.42857; text-align: justify;"><span style="font-weight: 700;">आर्टिष्ट खबर/ असोज, काठमाडौं । </span></pre><p style="text-align: justify; ">प्राय जसो नेपाली चलचित्र शुक्रबारबाट प्रदर्शनमा आउने भए पनि दसैंको घटस्थापनालाई केन्द्रित गर्दै चलचित्र ‘छक्का पञ्जा ३’आजबाट प्रदर्शनमा आएको छ । चलचित्रको प्रतिक्षामा रहेका दर्शकको प्रतिक्षाको घडि समाप्त भएको छ । चलचित्र टिमले दर्शकलाई चलचित्र हेर्न सहज होस् भन्ने उद्देश्यले अग्रिम टिकटको व्यवस्था समेत मिलाएको थियो ।</p><p style="text-align: justify; ">बक्सअफिसमा चलचित्रको दुई श्रृंखलाले सर्वाधिक कलेक्सनको रेकर्ड राखेको थियो । नेपाली चलचित्र इतिहासमै सर्वाधिक कलेक्सन गर्दै १६ करोडको रेकर्ड बनाएको पहिलो सिरिज र दोस्रो सिरिज जसले प्रदर्शनको दश दिनमा १० करोडको कलेक्सन गरेको थियो । तेस्रोले भने कति के कस्तो रेर्कड राख्नेछ त्यसकालागि प्रतिक्षा गर्नुपर्ने हुन्छ । चलचित्रको बारेमा जानकारी दिदै दिपकराज गिरीले भने ‘यस अघि निर्माण भएका चलचित्रहरुले मनोरञ्जनलाई प्राथमिकतामा राखेको थियो तर यस चलचित्रमा भने मनोरञ्जन सँगै शिक्षा समेत दिने प्रयास गरेका छौँ ।’ </p><p style="text-align: justify; ">यसअघि चलचित्र छक्का पञ्जा ३ का २ वटा गीत सार्वजनिक भइसकेका छन् । ‘पहिलो नम्बरमा’ बोलको गीतले छोटो समयमा नै दर्शकको राम्रो साथ पायो यूट्युबमा १ करोड भ्यू पुगेको उपलक्षमा चलचित्र युनिटले केक काटेर सेलिब्रेसन नै गरेको थियो । दिपक शर्माको संगीतमा रहेको उक्त गीतमा डेबिट शंकर र बिन्दु परियारको स्वर रहेको छ । यो गीत अहिलेसम्मा १ करोड ६४ लाख ३ हजार ६ सय पटक हेरिइसकिएको छ । त्यस्तै ‘पछि उमेर ढल्किन्छ’ बोलको गीत पनि यतिबेला सर्वाधिक चर्चामा छ । अर्जुन पोखरेलको संगीत रहेको गीतमा निशान भट्टराई र एन्जिला रेग्मीको स्वर रहेको छ । </p><p style="text-align: justify; ">दिपकराज गिरी, जितु नेपाल, केदार घिमिरे, दिपेन्द्र खनिया, सुमन गिरी, शिवहरी पौडेल, किरण केसी, ताराचन्द्र बजगाईँ, पुरुषोत्तम प्रधान, केशव न्यौपानेको संयुक्त निर्माण रहेको चलचित्र दिपाश्री निरौलाले निर्देशन हुन् । चलचित्रको पुरुषोत्तम प्रधानको छायांकन रहेको छ भने अर्जुन पोखरेल र दिपक शर्माको संगीत रहेको छ । चलचित्रमा कविराज गहतराजले कोरियोग्राफी गरेका हुन् भने चलचित्रको सम्पादन विपिन मल्लले गरेका हुन् । चलचित्रको कथा दिपकराज गिरीले लेखेका हुन् भने डाइलग भने दिपकराज गिरी, केदार घिमिरे, जितु नेपाल र यमन श्रेष्ठले तयार गरेका हुन् । चलचित्रलाई मानकृष्ण महर्जन र श्रीबहादुर लामाले संयुक्त रुपमा खिचेका हुन् ।<br></p><p style="text-align: justify; "><br></p>
